Вы тут

Велапаркоўкі з сонечнымі панэлямі з’явяцца ў рамках праекта «Зялёныя гарады»


У дадатак да ўжо ўстаноўленых 25 традыцыйных велапарковак у Полацку ўпершыню з'явяцца пяць велапарковак, аснашчаных сонечнымі панэлямі, паведамілі ў Міністэрстве прыроды і аховы навакольнага асяроддзя.


Велапаркоўкі з сонечнымі панэлямі ўстановяць на аглядальнай пляцоўцы ў раёне Сафійскага сабора па вуліцы Ніжне-Пакроўскай, каля помніка Усяславу Чарадзею на скрыжаванні вуліц Кастрычніцкай і Ефрасінні Полацкай; у скверы насупраць будынка «Белдзяржстраха» ў раёне гармат, у скверы па праспекце Ф. Скарыны каля капліцы загінулым у афганскай вайне; побач са спартыўным клубам «Фенікс» па вуліцы Багдановіча, 3. Працэс устаноўкі зойме каля месяца, крайні тэрмін — 15 сакавіка.

Спецыялісты па сучасным гарадскім развіцці ўсё часцей звяртаюцца да аднаўляльных крыніц энергіі. Прыкладамі, узорамі для пераймання становяцца гарады, якія шукаюць недарагія, экалагічныя і надзейныя крыніцы энергіі, выбіраюць шлях разумнага і зялёнага развіцця. Полацк — у іх ліку. Тут разглядаюць аднаўляльныя крыніцы энергіі як неад'емную частку гарадскіх стратэгій.

Сонечная панэль — гэта бясплатная і невычэрпная крыніца энергіі, а таксама адсутнасць экалагічнай шкоды для навакольнага асяроддзя. Дзякуючы іх выкарыстанню на новых велапаркоўках можна будзе зарадзіць мабільны тэлефон, планшэт, партатыўны камп'ютар. Канструкцыя такой велапаркоўкі мае лаканічны, стыльны вонкавы выгляд. Яны арганічна ўпішуцца ў гарадское асяроддзе.

На сённяшні дзень агульная працягласць веладарожак у Полацку складае 15 кіламетраў, з якіх 6,5 кіламетра пабудавана па праекце «Зялёныя гарады».

Праект фінансуецца Глабальным эканамічным фондам і выконваецца Праграмай развіцця ААН у партнёрстве з Міністэрствам прыродных рэсурсаў і аховы навакольнага асяроддзя. Мэта — больш шырокае развіццё планаў зялёнага горадабудаўніцтва і рэалізацыя пілотных ініцыятыў, звязаных з павышэннем энергаэфектыўнасці і ўстойлівым транспартам у малых і сярэдніх гарадах Беларусі.

Сяргей РАСОЛЬКА

Загаловак у газеце: Велапаркоўка з... сонечнымі панэлямі

Выбар рэдакцыі

Эканоміка

Падлічым усе даходы за год. Каму трэба падаць падатковую дэкларацыю і плаціць падатак

Падлічым усе даходы за год. Каму трэба падаць падатковую дэкларацыю і плаціць падатак

Не забываем прададзеныя машыны, кватэры, дамы і іншую нерухомасць.

Грамадства

Было ваша, стала наша. Чаму дзіця цягне чужое, і што з гэтым рабіць?

Было ваша, стала наша. Чаму дзіця цягне чужое, і што з гэтым рабіць?

Дзіцячыя крадзяжы адносяцца да «саромных» пытанняў.

Грамадства

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Інтэрв’ю з капітанам каманды «Доктар Хаусс» Паўлам Малахавым.​