Наталля Карповіч, намеснік старшыні Канстытуцыйнага суда заявіла, што працэсы ў свеце і ўнутры краіны патрабуюць распрацоўкі канстытуцыйнай мадэлі, якая адказвае выклікам эпохі, а ўнясенне правак неабходна для далейшага развіцця Беларусі.
«Гатовага рэцэпта, аптымальнай мадэлі змянення Канстытуцыі няма і быць не можа. Адзначу агульную для ўсіх краін тэндэнцыю як канстытуцыйная пераемнасць. Яна праяўляецца ў ахове канстытуцыйных каштоўнасцяў, захаванні асноўных дзяржаўных інстытутаў», — сказала Наталля Карповіч.
Па яе словах, папраўкі ў Канстытуцыю павінны садзейнічаць сацыяльнаму прагрэсу, мадэрнізацыі грамадства, засноўвацца на лічбавізацыі, дасягненнях навукі і тэхнікі.
На яе думку, дыялогавыя пляцоўкі (на якіх абмяркоўваліся змены ў асноўны закон краіны) паказалі, што беларусы хочуць узмацніць прававую аснову свайго жыцця і будучага сваіх дзяцей.
«Нераўнадушныя грамадзяне карыстаюцца магчымасцю накіраваць свае прапановы аб лёсе дзяржавы ў адрас Усебеларускага сходу. Такая роля сходу адпавядае гістарычнай традыцыі нашага народа вырашаць важнейшыя пытанні талакой. Падтрымліваем і ініцыятыву кіраўніка дзяржавы аб наданні Усебеларускаму народнаму сходу статусу канстытуцыйнага органа. Канстытуцыйны суд прапануе варыянт такой нормы асноўнага закона», — канстатавала суддзя.
У выступленні Прэзідэнта яна адзначыла таксама ключавыя кірункі для змен — пераразмеркаванне паўнамоцтваў паміж органамі, павышэнне ролі мясцовай улады, палітычных структур грамадства.
Марыя ДАДАЛКА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
