Вы тут

Удзельнікі УНС прынялі зварот да суайчыннікаў


Удзельнікі VI Усебеларускага народнага сходу прынялі зварот да суайчыннікаў, паведамляе БЕЛТА.


«Мы, паўнапраўныя прадстаўнікі народа Беларусі, усведамляючы адказнасць за будучыню нашай краіны, звяртаемся да вас. За 30 гадоў Беларусь адбылася як суверэнная і незалежная дзяржава. У поўнай меры забяспечаны правы і базавыя патрэбы чалавека. Сёння, ва ўмовах сусветнай пандэміі каранавіруса, эканамічнай турбулентнасці, глабальных і рэгіянальных міжнародных канфліктаў, Беларусь падвергнулася непрыкрытаму ціску знешніх і ўнутраных дэструкцыйных сіл, мэта якіх — звяржэнне дзеючай улады і ліквідацыя беларускай дзяржаўнасці, — гаворыцца ў звароце. — Асобнымі краінамі ў дачыненні да Беларусі парушаюцца асноўныя прынцыпы міжнароднага права — недапушчальнасць умяшання ва ўнутраныя справы, прымянення палітычных і эканамічных санкцый, арганізацыі фінансавання і падбухторвання да дзейнасці, накіраванай на гвалтоўнае змяненне канстытуцыйнага ладу. У сітуацыі, якая склалася, галоўная задача — захаваць нашу краіну».

Адзначаецца, што духоўным базісам беларускай дзяржавы з’яўляюцца гістарычная памяць народа, яго нацыянальныя каштоўнасці, патрыятызм, адданасць Айчыне. Іх трэба зберагчы і перадаць будучым пакаленням. Рашуча заяўляецца аб недапушчальнасці спробаў скажэння гісторыі, апраўдання і рэабілітацыі нацызму і калабаранцтва ў любых іх праявах.

«Змены патрэбныя, і яны будуць — эвалюцыйныя, накіраваныя на ўзмацненне канстытуцыйных паўнамоцтваў заканадаўчай і выканаўчай галін улады, павышэнне ўзроўню калектыўнай адказнасці за фарміраванне і функцыянаванне палітычнай сістэмы, уцягнутасці грамадзян у непасрэднае кіраванне дзяржаўнымі справамі шляхам надання Усебеларускаму народнаму сходу статусу канстытуцыйнага органа. Самыя шырокія пласты насельніцтва прымуць удзел у распрацоўцы і рэалізацыі найважнейшых напрамкаў дзяржаўнай палітыкі. Дзяржава падтрымае ўсе стваральныя ініцыятывы грамадзянскай супольнасці, якія забяспечваюць рашэнне канкрэтных сацыяльна-эканамічных праблем і паляпшэнне якасці жыцця людзей», — падкрэслілі ў сваім звароце ўдзельнікі УНС.

Стратэгічнай мэтай павінна стаць далейшае павышэнне эфектыўнасці беларускай мадэлі сацыяльнай дзяржавы, у цэнтры якой — чалавек.

«Рашэнне гэтых задач забяспечыць праграма сацыяльна-эканамічнага развіцця Беларусі на 2021-2025 гады, ухваленая ўдзельнікамі VI Усебеларускага народнага сходу. Разам мы адкажам на ўсе выклікі і пагрозы, зробім усё для захавання міру і працвітання нашай любімай Радзімы. Наша сіла — у адзінстве. Беларусь у нас адна», — рэзюмавалі ўдзельнікі форуму.

Выбар рэдакцыі

Грамадства

Водар лаванды вабіць на Веткаўшчыну

Водар лаванды вабіць на Веткаўшчыну

Як выглядае «беларускі Праванс», дакладна ведаюць жыхары глыбінкі Гомельскай вобласці.

Эканоміка

«Прадам утульную кватэру, а куплю яшчэ лепшую». А пра падаткі вы не забыліся?

«Прадам утульную кватэру, а куплю яшчэ лепшую». А пра падаткі вы не забыліся?

Адна мая добрая знаёмая вырашыла палепшыць свае жыллёвыя ўмовы — прадаць сваю двухпакаёвую кватэру і купіць трохпакаёвую.

Калейдаскоп

Усходні гараскоп на наступны тыдзень

Усходні гараскоп на наступны тыдзень

БЛІЗНЯТЫ. Калі ёсць цікавыя ідэі, то менавіта цяпер яны будуць запатрабаваныя і нарэшце ажыццёвяцца. Тыдзень прынясе знаёмствы з новымі людзьмі, спатканні, вандроўкі і шмат яркіх уражанняў. Асабістае жыццё рэзка зменіцца, прычым менавіта так, як вы марылі. Вы больш не будзеце самотныя, сітуацыя вырашыцца на вашу карысць.

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.