Вы тут

Як станцыі Белтэлерадыёкампаніі адзначаць Сусветны дзень радыё


Каналы Беларускага радыё далучацца да глабальнай ініцыятывы ЮНЕСКА ў сферы радыёвяшчання. Да Сусветнага дня радыё, які адзначаецца 13 лютага, радыёстанцыі Белтэлерадыёкампаніі падрыхтавалі для сваіх слухачоў інтэрактыўныя конкурсы і флэшмобы.


Дата свята выбрана невыпадкова, таму што менавіта ў гэты дзень у 1946 годзе пачало вяшчанне Радыё ААН. Юбілейная глабальная акцыя пройдзе пад дэвізам «Новы свет — новае радыё: эвалюцыя, інавацыі, збліжэнне». Арганізатары акцыі асабліва падкрэсліваюць жыццяздольнасць радыё і яго ўстойлівасць да розных трансфармацый. У сваім пасланні да Х Сусветнага дня радыё генеральны дырэктар ЮНЕСКА Адрэ Азуле адзначыла: «Сёння, як ніколі раней, нам патрэбны гэты ўніверсальны інструмент распаўсюджвання інфармацыі, гэты носьбіт ідэй гуманізму».

Радыёстанцыі Белтэлерадыёкампаніі таксама традыцыйна возьмуць удзел у глабальнай ініцыятыве, прымеркаванай да Сусветнага дня радыё. Так, Першы нацыянальны канал Беларускага радыё запускае ў сацыяльных сетках флэшмоб #радыё аб'ядноўвае, дзе ўдзельнікам прапаноўваюць размяшчаць на сваіх акаўнтах фотаздымкі ў момант праслухоўвання радыё (дома, на рабоце, на прагулцы і г. д.) з хэштэгамі #радыё95, #беларускае радыё, #радыё1. Аўтары найлепшых фотаздымкаў атрымаюць прызы і магчымасць наведаць з экскурсіяй Дом радыё.

Марафон з падарункамі, розыгрышамі і конкурсамі чакае і слухачоў «Радыус FM». Тэматычныя віктарыны тут распачнуцца напярэдадні свята ў пятніцу ў ранішнім эфіры. А вось непасрэдна 13 лютага падпісчыкі радыёстанцыі ў сацыяльных сетках будуць мець магчымасць выйграць фірменную талстоўку ці партатыўную калонку з лагатыпам «Радыус FM». Працягнуцца розыгрышы і ў Дзень усіх закаханых.

Розыгрышамі прызоў будуць радаваць таксама на «Сталіцы», радыёканале «Культура», а вось у эфіры Міжнароднага радыё «Беларусь» будуць гучаць віншаванні ад слухачоў са ўсяго свету. Таксама з нагоды свята падрыхтаваны святочныя праграмы, якія пачуем на ўсіх радыёстанцыях краіны.

Алена ДРАПКО

Прэв’ю: tvkinoradio.ru

Загаловак у газеце: Інтэрактыў для актыўных і адданых

Выбар рэдакцыі

Культура

Яго псеўданім быў нават запісаны ў пашпарце. Некалькі гісторый пра творы вядомага сатырыка Кандрата Крапіву

Яго псеўданім быў нават запісаны ў пашпарце. Некалькі гісторый пра творы вядомага сатырыка Кандрата Крапіву

«Хто сустрэўся быў са мною, Дакрануўся раз ці два, Дык той ведае ўжо, хто я:

Грамадства

Які хлеб любяць у Беларусі?

Які хлеб любяць у Беларусі?

У савецкія часы гандаль прапаноўваў пакупніку абмежаваны асартымент хлебабулачных вырабаў. У 1980-я нават у буйных крамах было ўсяго 3-4 найменні хлеба.

Грамадства

Дыхаць на поўныя грудзі. Міфы і праўда аб мамапластыцы

Дыхаць на поўныя грудзі. Міфы і праўда аб мамапластыцы

Прадстаўніцам прыгожага полу заўсёды хочацца нешта змяніць у сваёй знешнасці. І часам жанчыны рашаюцца на кардынальныя крокі.