Але для гэта прыйдзецца шмат працаваць — тыя задачы, якія пастаўлены, трэба ажыццяўляць, перакананы галоўны ўрач Шклоўскай цэнтральнай раённай бальніцы.
Сяргей Новікаў працуе ў шклоўскай бальніцы 10 гадоў, з таго часу як прыйшоў сюды ўрачом-хірургам па размеркаванні пасля медуніверсітэту. У 2017-м быў прызначаны на пасаду намесніка галоўнага ўрача па медыцынскай частцы, а праз два гады заняў крэсла галоўнага. Прызнаецца, што за гэты час Шклоў прыкметна папрыгажэў, стаў больш зручны для жыцця. Паявіліся сучасныя гандлёвыя цэнтры, лядовая арэна. Гэта ўсе на карысць гораду і яго жыхарам. На Усебеларускім народным сходзе пабываў упершыню, і, прызнаецца, задаволены.
— Праграма сацыяльна-эканамічнага развіцця, якую зацвердзілі, дастаткова сур’ёзная, ёсць над чым папрацаваць. Было закранутае асноўнае пытанне, якое мяне цікавіла, па медыцыне. Быццам бы агульнымі словамі, але зразумела, што прыйдзецца шмат працаваць — тыя задачы, якія пастаўлены, трэба ажыццяўляць. Прыемна, што будзе ўдасканальвацца медыцына, зарплаты будуць расці.
Яшчэ падчас работы дыялогавых пляцовак мы з калегамі выказваліся за ўдасканаленне медыцыны і яе даступнасць, яе забеспячэнне. Першапачатковая медыцынская дапамога аказваецца ў амбулаторыях, невялічкіх цэнтральных раённых бальніцах і хацелася б, каб пра іх не забываліся, забяспечвалі на належным узроўні, як і больш буйныя населеныя цэнтры. Зразумела, што высокатэхналагічная медыцынская дапамога павінна аказвацца на высокім узроўні, але на пярвічным яна павінна быць якаснай.
Запісала Нэлі ЗІГУЛЯ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
