Вы тут

Калі ўдзень па поўдні краіны слабы плюс, уначы месцамі амаль да мінус 30


Палова лютага ўжо ззаду, ды і сонца з кожным днём свеціць усё ярчэй. Толькі нам ад гэтага цяплей не становіцца.


На працягу гэтага рабочага тыдня ўмовы надвор'я на тэрыторыі краіны ў асноўным будзе вызначаць вобласць павышанага атмасфернага ціску, таму істотных ападкаў у асноўным не чакаецца. Толькі ў сераду і чацвер у паўночна-ўсходніх і паўднёва-заходніх раёнах пад уплывам атмасферных франтоў пройдзе кароткачасовы снег. Захаваецца марознае надвор'е, хоць у разрэзе краіны тэмпературны фон будзе дастаткова кантрасны. Па паўднёвым захадзе краіны маразы будуць менш моцныя, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

У сераду ў паўночна-заходніх і паўночна-ўсходніх раёнах краіны пройдзе кароткачасовы снег. На асобных участках дарог чакаецца галалёдзіца. Тэмпература паветра ўначы складзе ад мінус 10 градусаў да 17 марозу, па паўднёвым захадзе краіны — мінус 7—9 градусаў. Удзень на ўсёй тэрыторыі 3—10 градусаў ніжэй за нуль, па паўднёвым захадзе — ад мінус 2 градусаў да плюс 1 цяпла.

У чацвер і пятніцу нас зноў чакаюць амаль арктычныя маразы. У чацвер будзе пераважна без ападкаў, толькі ўначы месцамі па паўднёвым захадзе Беларусі пройдзе кароткачасовы снег. На асобных участках дарог чакаецца галалёдзіца. Тэмпература паветра ўначы складзе 16—23 марозу, месцамі — да 25 марозу, у паўднёва-заходніх раёнах 10—15 градусаў са знакам мінус. Удзень у асноўным будзе 7—14 градусаў ніжэй за нуль, па паўднёвым захадзе — мінус 4—6 градусаў.

Уначы ў пятніцу неба будзе практычна чыстае, а таму маразы стануць найбольш траскучыя. Чакаецца пераважна без ападкаў. На асобных участках дарог — галалёдзіца. Тэмпература паветра ўначы складзе 20—26 марозу, месцамі — да мінус 28 градусаў, у паўднёва-заходніх раёнах — мінус 16—19 градусаў. Удзень моцнае і яркае сонца злёгку прыгрэе — будзе «ўсяго» 7—14 градусаў ніжэй за нуль. А па паўднёвым захадзе краіны будзе і зусім цёпла — ад мінус 3 градусаў да 6 марозу.

Сяргей КУРКАЧ

Прэв’ю: hi-news.ru

Загаловак у газеце: Тэмпературныя «арэлі» па максімуме

Выбар рэдакцыі

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.

Грамадства

Усё што трэба ведаць пра пляжны сезон

Усё што трэба ведаць пра пляжны сезон

У апошнія тыдні на краіну абрынулася небывалая спякота... 

Калейдаскоп

Чым апырскаць памідоры ад фітафторы, калі на іх ужо завязі і кветкі

Чым апырскаць памідоры ад фітафторы, калі на іх ужо завязі і кветкі

Як і любую іншую хваробу, фітафтароз лягчэй папярэдзіць, чым лячыць.

Культура

Беразіно: цэнтр на шляху «з вараг у грэкі»

Беразіно: цэнтр на шляху «з вараг у грэкі»

Радзімазнаўства. Адрасы пісьменства. Сумесны праект Мінаблвыканкама і «Звязды».