Вядомы мастак-рэстаўратар па старажытных палотнах, скульптуры і інтэр'ерах, спецыяліст венецыянскай школы рэстаўрацыі Сяргей Дзенісенка гэтымі днямі заканчвае сваю чарговую архіважную для айчыннай культуры працу — упрыгожванне другога паверха вежы Гальшанскага замка.
У гэтым памяшканні будзе размяшчацца княжацкі пакой будучага замкавага музея. Калісьці рукамі і пэндзлем Сяргея былі адрэстаўраваныя значныя гістарычныя аб'екты — інтэр'еры палаца ў Нясвіжы і Ефрасіннеўскай царквы ў Полацку, Петрапаўлаўскага сабора ў Магілёве і іншых славутых помнікаў дойлідства. А на згаданым аб'екце на ўскраіне Гальшан рэстаўратар ужо аднавіў ляпныя ўзоры і геральдычныя знакі, а цяпер завяршае іх афарбоўку. За гэтым заняткам я і сфатаграфаваў незвычайнага майстра.
Анатоль КЛЯШЧУК
Фота аўтара
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
