Вы тут

Мінпрыроды распавяло, як дапамагчы лебедзям і качкам зімой


У Міністэрстве прыродных рэсурсаў і аховы навакольнага асяроддзя распавялі, як дапамагчы лебедзям і качкам зімой.


pixabay.com

Штогод на незамярзальных участках рэк, азёр і штучных вадаёмаў застаецца зімаваць вадаплаўныя віды птушкі (лебедзі шыпуны, крыжанкі і іншыя віды).

На думку спецыялістаў-заолагаў лебедзі і качкі добра пераносяць халодны час года, самастойна знаходзячы сабе пражытак. Таму могуць доўгі час знаходзіцца без актыўнага руху. Птушкі сядзяць на лёдзе або на беразе вадаёмаў, падціснуўшы пад сябе лапы  —так яны эканомяць энергію. Узімку лебедзі і качкі сілкуюцца ў асноўным вегетатыўнымі часткамі водных раслін, дробнымі рачкамі, лічынкамі насякомых, насеннем і актыўным глеем.

Спецыялісты лічаць, што падкормліваць лебедзяў і іншых вадаплаўных птушак неабходна толькі пры рэзкім зніжэнні тэмпературы (-15℃ і ніжэй) і толькі ў месцах іх масавага збору.

Птушак можна карміць збожжам (авёс, ячмень, пшаніца), птушыным камбікормам, сырой і варанай гароднінай. Не рэкамендуецца карміць хлебам, асабліва чорным. Па некаторых дадзеных падкормка птушак хлебам можа аказаць негатыўны ўплыў на іх страваванне.

Неабходна памятаць, што, падкормліваючы вадаплаўных птушак, мы адвучаем іх ад самастойнага пошуку пражытка і яны становяцца залежнымі ад чалавека. Здаровыя вадаплаўныя птушкі самі могуць пра сябе паклапаціцца і дапамога ім патрэбна толькі ў экстрэмальных сітуацыях.

У выпадку выяўлення хворай, параненай, траўміраванай птушкі або іншага віду дзікай жывёліны, якой пагражае гібель у выніку стыхійных бедстваў, або якая можа ўяўляць пагрозу жыццю і здароўю грамадзян, неабходна звярнуцца ў мясцовы выканаўчы і распарадчы орган. Мясцовы выканаўчы і распарадчы орган стварае камісію па аказанню дапамогі дзікай жывёле, якая выязджае на месца іх выяўлення і прымаюць адпаведнае рашэнне ў дачыненні да гэтых жывёл.

Прэв’ю: Мінпрыроды

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.