Вы тут

«Беларусь 3» пакажа фільм «Міравы хлопец», які выйшаў у 1971 годзе


У пятніцу 19 лютага на «Беларусь 3» убачым фільм «Міравы хлопец», які выйшаў на кінастудыі «Беларусьфільм» паўстагоддзя таму, у 1971 годзе.


Кінастужка рэжысёра Юрыя Дубровіна расказвае пра маладога інжынера Віктара Логінава, які прыязджае ў адну з краін Усходу ў якасці тэхнічнага прадстаўніка Мінскага аўтазавода і там па збегу абставін трапляе на міжнароднае ралі замест аднаго з прафесійных гоншчыкаў. Сярод майстроў наш хлопец навічок і прадстаўнікі замежных фірмаў не зацікаўленыя ў тым, каб Віктар перамог. Але мужнасць і ўпэўненасць у сабе дапамагаюць інжынеру пераадолець усе перашкоды на сваім шляху, дзе небяспека сыходзіла як ад прыроды, так і ад людзей.

У ролі Віктара зняўся акцёр Мікалай Алялін (ён жа палкоўнік міліцыі ў «Джэнтльменах удачы»). Разам з ім у фільме зняліся Любоў Румянцава, Валянціна Спярантава, Мікалай Яроменка і іншыя. Асобныя натурныя здымкі кінастужкі праходзілі ў Афганістане. Усе прадстаўленыя ў «Міравым хлопцы» аўтамабільныя маркі акрамя МАЗ-516, на якім выступае ў фільме Логінаў, выдуманыя, але самі грузавікі сапраўдныя. Усе чатыры аўтамабілі былі ў свой час закуплены Мінскім аўтазаводам для вывучэння замежнага вопыту. Краіна Нуабарыя, у якой аказваецца малады хлопец у камандзіроўцы, таксама выдуманая. У фільме ўпершыню прагучала песня Веніяміна Баснера «Бярозавы сок» у выкананні «Песняроў».

«Міравы хлопец» — кінаработа, якая выклікае ў аўдыторыі розныя ацэнкі. І ў ім, нягледзячы на час, можна ўбачыць розныя акцэнты. Аднак, галоўнае — гэта тое, што калі мы маем веру ў сябе і ў тое, чым даражым, то перашкоды — толькі часовая з'ява. Глядзіце і рабіце ўласныя высновы.

Загаловак у газеце: Метафара ці гераізм у экстрэмальных умовах

Выбар рэдакцыі

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.

Грамадства

Усё што трэба ведаць пра пляжны сезон

Усё што трэба ведаць пра пляжны сезон

У апошнія тыдні на краіну абрынулася небывалая спякота... 

Калейдаскоп

Чым апырскаць памідоры ад фітафторы, калі на іх ужо завязі і кветкі

Чым апырскаць памідоры ад фітафторы, калі на іх ужо завязі і кветкі

Як і любую іншую хваробу, фітафтароз лягчэй папярэдзіць, чым лячыць.

Культура

Беразіно: цэнтр на шляху «з вараг у грэкі»

Беразіно: цэнтр на шляху «з вараг у грэкі»

Радзімазнаўства. Адрасы пісьменства. Сумесны праект Мінаблвыканкама і «Звязды».