Вы тут

У Жодзіне адбылося пасяджэнне Пастаяннай камісіі Палаты прадстаўнікоў па аграрнай палітыцы


У Жодзіне адбылося выязное пасяджэнне Пастаяннай камісіі Палаты прадстаўнікоў па аграрнай палітыцы сумесна з Пастаяннай камісіяй Савета Рэспублікі па рэгіянальнай палітыцы і мясцовым самакіраванні.


Мэта паездкі — пошук аптымальнага заканадаўчага вырашэння праблем насенняводства сельскагаспадарчых раслін. З гэтай нагоды ў рамках падрыхтоўкі да разгляду ў другім чытанні праекта закона «Аб селекцыі і насенняводстве сельскагаспадарчых раслін» было вырашана з удзелам навукоўцаў і практыкаў правесці абмеркаванне верагодных змяненняў і карэкціровак у дадзены дакумент. Ці, інакш кажучы, зверыць падыходы і пазіцыі.

Месцам правядзення сумеснай заканатворчай работы дэпутаты і сенатары абралі Навукова-практычны цэнтр НАН Беларусі па земляробстве невыпадкова. Гэта адна з вядучых навукова-даследчых устаноў аграрнай галіны краіны. Супрацоўнікі Цэнтра ўносяць значны ўклад у забеспячэнне харчовай бяспекі Беларусі, пастаянна ўдасканальваюць кірункі даследаванняў у земляробстве, селекцыі і насенняводстве.

У Жодзіне сваімі ідеямі і прапановамі па рэалізацыі дадзенага праекта, думкамі наконт яго ўдасканалення, у прыватнасці, па падрыхтоўцы пакета нарматыўных прававых актаў па забяспечэнні рэалізацыі закона аб селекцыі і насенняводстве, падзяліліся старшыня Пастаяннай камісіі Палаты прадстаўнікоў па аграрнай палітыцы Мікалай Шаўчук, старшыня Пастаяннай камісіі Савета Рэспублікі па рэгіянальнай палітыцы і мясцовым самакіраванні Міхаіл Русы, генеральны дырэктар Цэнтра, доктар навук, прафесар, член-карэспандэнт НАН Беларусі, заслужаны работнік сельскай гаспадаркі Беларусі Фёдар Прывалаў, іншыя вядомыя навукоўцы і практыкі-аграрнікі.

Удзельнікі пасяджэння ў другой палове дня наведалі і пазнаёміліся з работай селекцыйна-насенняводчага комплексу, дзейнасцю РУП «Шыпяны-АСК» — шматгаліновай гаспадаркі са спецыялізацыяй на вытворчасці мяса і малака, бульбы, кукурузы на зерне, рапсу, пшаніцы, жыта, піваварнага ячменю, трыцікале, проса і грэчкі.

У «Шыпяны-АСК» дзейнічае ўнікальны завод па сушцы, ачыстцы і дапрацоўцы элітнага насення.

Леанід ТУГАРЫН

Прэв’ю: izis.by

Загаловак у газеце: Навацыі для селекцыі

Выбар рэдакцыі

Палітыка

Літоўцы раскручваюць крывавую хвалю гвалту

Літоўцы раскручваюць крывавую хвалю гвалту

З беларуска-літоўскай граніцы працягваюць паступаць весткі, ад якіх проста кроў стыне ў жылах. 

Грамадства

Ва ўстановах адукацыі чакаюць сваіх абітурыентаў

Ва ўстановах адукацыі чакаюць сваіх абітурыентаў

Вызначыцца з выбарам прафесіі і месцам навучання можна да 7 жніўня ўключна.

Спорт

«Максім сказаў і зрабіў». Бацькі і трэнеры пра алімпійскі поспех Максіма Недасекава

«Максім сказаў і зрабіў». Бацькі і трэнеры пра алімпійскі поспех Максіма Недасекава

У сераду ў Мінск вярнуўся бронзавы прызёр Алімпійскіх гульняў у скачках у вышыню Максім Недасекаў.

Грамадства

Рэгістрацыйныя карткі для таксістаў

Рэгістрацыйныя карткі для таксістаў

А яшчэ нармальны рабочы дзень, адпачынак і права на «бальнічны»...