Вы тут

У Савеце Рэспублікі абмеркавалі пытанні маніторынгу цэн на лекі


Пытанні маніторынгу цэн на лекі абмеркавалі ўчора ў Савеце Рэспублікі на пашыраным пасяджэнні з удзелам старшыні Пастаяннай камісіі па эканоміцы, бюджэце і фінансах Таццяны Рунец. Як не дапусціць неабгрунтаванага росту цэн, разбіраліся не толькі прадстаўнікі верхняй палаты парламента, міністэрстваў антыманапольнага рэгулявання і гандлю, аховы здароўя, але і фармвытворцы, і кіраўніцтва аптэчных сетак.


Як адзначыла Таццяна Рунец, паводле статыстыкі за студзень цэны на лекі выраслі на 4,6  %. Наколькі гэта абгрунтавана і звязана з ростам ПДВ, яшчэ неабходна высветліць як органам дзяржкантролю, так і сенатарам.

— Сенатарскі корпус ва ўсіх рэгіёнах падключаецца да маніторынгу цэн на лекі. Але зараз мы ставім задачу не проста паглядзець цэны ў аптэках. На мой погляд, трэба вырашаць задачу комплексна — шукаць кампрамісы з вытворцамі. Яшчэ адзін важны момант — работа з дыстрыб'ютарамі і імпарцёрамі. Як вядома, нярэдка дзейнічаюць пасрэдніцкія ланцужкі, што таксама ўплывае на канчатковую цану. Таму сенатарскі корпус у рэгіёнах, дзе працуюць фармвытворцы, будзе падключацца да аналізу іх фінансава-гаспадарчай дзейнасці.

Сенатар падкрэсліла, што пры гэтым стаіць задача не нашкодзіць і прадпрыемству:

— Дзяржаўнае рэгуляванне цэн мы павінны праводзіць комплексна, вывучаючы ўсе аспекты, каб і вытворчасць не стала стратнай. У той жа час нельга дапусціць скарачэння асартыменту лекаў на рынку, каб не ўтварыўся дэфіцыт. Гэта няпросты працэс, але мы справімся з гэтай задачай.

Намеснік міністра аховы здароўя Дзмітрый Чараднічэнка адзначыў, што, акрамя недапушчэння росту цэн, яшчэ адной задачай з'яўляецца абарона малазабяспечаных груп насельніцтва і людзей з невялікімі даходамі.

— Яны павінны мець доступ да лекавых прэпаратаў, якія запатрабаваны і неабходны. Пры некаторых захворваннях пэўныя прэпараты пацыенты мусяць прымаць штодзень. У нас каля 500 тысяч грамадзян, якія па сваім захворванні атрымліваюць лекавыя прэпараты бясплатна. Гэта вялікая група, і лекі ім аплачвае дзяржава. Сумесна з МАРГ, Міністэрствам фінансаў, прадстаўнікамі Савета Рэспублікі, кантрольнымі органамі, фармрынкам мы павінны гарантаваць лекавую бяспеку краіны.

Дзмітрый Чараднічэнка падкрэсліў, што палітыка Міністэрства аховы здароўя накіраваная на тое, каб усе гульцы фармрынку былі ў роўных умовах — і прыватныя кампаніі, і дзяржаўныя аптэчныя сеткі.

— Мы за тое, каб на рынку прысутнічалі не толькі айчынныя прэпараты. З задачай павелічэння іх колькасці мы ў свой час справіліся. Але, зразумела, павінны быць і прэпараты імпартнай вытворчасці, якія не вырабляюцца ў нашай краіне. Вельмі важна забяспечыць наяўнасць арыгінальных прэпаратаў, бо хтосьці прыхільнік біяаналага, а хтосьці — толькі арыгінальнага варыянта. Нельга дапусціць, каб зніклі з рынку прэпараты, якія прызвычаіўся прымаць пацыент.

Намеснік міністра паведаміў, што ў гэтым кірунку Міністэрства аховы здароўя правяло работу па спрошчанай і ўмоўнай рэгістрацыі лекавых сродкаў.

— Спрошчаная рэгістрацыя працуе нядоўга — каля двух месяцаў, але ўжо 30 новых прэпаратаў прыйшло на рынак нашай краіны па спрошчанай схеме. З'яўляюцца прэпараты і па ўмоўнай рэгістрацыі, і гэта палёгка для вытворцаў. Мы змяншаем некаторыя этапы кантролю якасці, якія ўплываюць на цану. Гэтыя прэпараты шматразова правераны заводам-вытворцам, маюць не толькі адпаведную рэпутацыю, але і задакументаваныя сертыфікаты якасці, адпаведнасці і іншае.

Намеснік міністра адзначыў, што аптэкі атрымалі магчымасць пашырыць асартымент, дзякуючы БАДам, спартыўнаму харчаванню і іншым спадарожным таварам. Нядаўна пашыраны пералік безрэцэптурнага водпуску, арганізаваны інтэрнэт-гандаль некаторымі безрэцэптурнымі прэпаратамі, які будзе зацверджаны на пастаяннай аснове пасля нармалізацыі эпідэмічнай сітуацыі.

Летась у Беларусі ўпершыню з'явілася і так званая сістэма раздзялення рызык. Згодна з ёй, краіна плаціць замежнай фармакалагічнай кампаніі толькі за тыя прэпараты і тых пацыентаў, якім лячэнне дапамагло. Найперш гэта датычыцца таргетных прэпаратаў у анкалогіі. Яны падбіраюцца індывідуальна ў залежнасці ад віду пухліны і на сёння з'яўляюцца адным з самых эфектыўных сродкаў лячэння раку.

— Сістэма раздзялення рызык у нашай краіне з'явілася ўпершыню. Але гэта сусветная практыка, і мы будзем яе працягваць, — падкрэсліў Дзмітрый Чараднічэнка.

Алена КРАВЕЦ

Фота pharma.by

Загаловак у газеце: Не дапусціць неабгрунтаванага росту

Выбар рэдакцыі

Грамадства

Водар лаванды вабіць на Веткаўшчыну

Водар лаванды вабіць на Веткаўшчыну

Як выглядае «беларускі Праванс», дакладна ведаюць жыхары глыбінкі Гомельскай вобласці.

Эканоміка

«Прадам утульную кватэру, а куплю яшчэ лепшую». А пра падаткі вы не забыліся?

«Прадам утульную кватэру, а куплю яшчэ лепшую». А пра падаткі вы не забыліся?

Адна мая добрая знаёмая вырашыла палепшыць свае жыллёвыя ўмовы — прадаць сваю двухпакаёвую кватэру і купіць трохпакаёвую.

Калейдаскоп

Усходні гараскоп на наступны тыдзень

Усходні гараскоп на наступны тыдзень

БЛІЗНЯТЫ. Калі ёсць цікавыя ідэі, то менавіта цяпер яны будуць запатрабаваныя і нарэшце ажыццёвяцца. Тыдзень прынясе знаёмствы з новымі людзьмі, спатканні, вандроўкі і шмат яркіх уражанняў. Асабістае жыццё рэзка зменіцца, прычым менавіта так, як вы марылі. Вы больш не будзеце самотныя, сітуацыя вырашыцца на вашу карысць.

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.