Вы тут

На Віцебшчыне на кожнага непрацуючага больш за пяць вакансій


Нядаўна на сесіі Віцебскага абласнога Савета дэпутатаў зацвердзілі рэгіянальны комплекс мерапрыемстваў па рэалізацыі Дзяржаўнай праграмы «Рынак працы і садзейнічанне занятасці» на 2021—2025 гады. На гэтыя мэты запланавана накіраваць каля 27,7 мільёна рублёў. Фінансаванне амаль цалкам будзе ажыццяўляцца з дзяржаўнага пазабюджэтнага фонду сацыяльнай абароны насельніцтва Рэспублікі Беларусь.


Статыстыка сведчыць: за пяцігодку ў раёне не дапушчана росту ўзроўню беспрацоўя: у пачатку 2016 года гэты паказчык быў 1,1 %, у канцы 2020-га — 0,3 %. На сёння на кожнага беспрацоўнага прыходзіцца больш чым пяць вакансій! На новыя рабочыя месцы за кошт стварэння новых вытворчасцяў і прадпрыемстваў за пяцігодку ўладкавана больш за трыццаць з паловай тысяч чалавек.

Некалькі фірмаў Віцебшчыны, каб прыцягнуць да сябе моладзь, запрашаюць на практыку, дапамагаюць атрымаць неабходную для вытворчасці спецыяльнасць, плацяць стыпендыі, вырашаюць бытавыя праблемы. Толькі прыходзь і працуй! У прыватнасці, такі падыход на віцебскай фірме па вырабе ўнікальных пад'ёмнікаў.

А на Мёрскім металапракатным заводзе будуюць цэлы гарадок з багатай сацыяльна-бытавой і забаўляльнай інфраструктурай для якасці пражывання на еўрапейскім узроўні.

Трактарысту мясакамбіната прапануюць 1200 рублёў і больш...

Нечакана «зачапіла» прапанова ад цэнтра культуры і народнай творчасці Пастаўскага раёна: маюць патрэбу ў майстры народных промыслаў (аплата ад 450 рублёў у месяц). Навальшчык-звальшчык лесу ў Расонах можа зарабляць ад 500 рублёў, экскаватаршчык у Оршы (на прадпрыемстве ЖКГ) — ад 800, шэфу-кухару Браслаўскага дома-інтэрната прапануюць мінімум 650 рублёў, у Сянно падсобнаму рабочаму УП ЖКГ — ад 400 рублёў...

«Мала!» — скажуць вечна незадаволеныя песімісты. Але ёсць і іншыя прапановы. Калі набраў у пошуку суму заробку 2000 рублёў, адразу «выскачыла» аж 13 вакансій. Што дзіўна, не толькі ахвотным стаць кіраўнікамі прапаноўваецца такая зарплата.

Напрыклад, інжынеру па прамысловым і грамадзянскім будаўніцтве гатовыя плаціць у Полацку ажно... дыхайце глыбей — ад 3240 рублёў.

А гаспадарка ў Докшыцкім раёне за дастойныя грошы чакае адразу некалькіх работнікаў. У прыватнасці, аператару па штучным асемяненні жывёлы і птушкі заплацяць каля 2000 рублёў, аграному — 2500, а яго патэнцыйнаму начальніку — ад 3000...

Галоўны спецыяліст па жывёлагадоўлі ў прыгарадзе Віцебска будзе зарабляць ад 2000.

Работы хопіць на кожнага, толькі працуй! І ўжо ад тваіх навыкаў і інтэлекту залежыць, колькі ты зможаш зарабляць.

Аляксандр ПУКШАНСКІ

Прэв’ю: espanarusa.com

Загаловак у газеце: Работа на любы густ

Выбар рэдакцыі

Калейдаскоп

«Ураджайны» тэст

«Ураджайны» тэст

Надыходзіць жнівень — самы ўраджайны, працоўны, смачны час. І наш чарговы тэст менавіта пра ўраджай і ўсё, што з ім звязана.

Грамадства

Лета выходзіць на фінішную прамую! Чаго чакаць ад надвор'я ў жніўні? Прагноз ад Дзмітрыя Рабава

Лета выходзіць на фінішную прамую! Чаго чакаць ад надвор'я ў жніўні? Прагноз ад Дзмітрыя Рабава

У жніўні цяпла будзе ўдосталь, але без дажджу і маланкі не абыдзецца.

Калейдаскоп

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. На гэтым тыдні будзе карыснае ўменне аналізаваць сітуацыю і паводзіны людзей і рабіць правільныя высновы. Паспрабуйце быць гранічна сумленнымі з самімі сабой, зніміце ружовыя акуляры. Цяпер пажадана не эпаціраваць навакольных экстравагантнасцю і рэзкімі развагамі. 

Грамадства

Адзін дзень у Вязынцы: вандруем разам са «Звяздой» па Беларусі

Адзін дзень у Вязынцы: вандруем разам са «Звяздой» па Беларусі

У летні час так хочацца на мора, ці, хоць бы ў падарожжа...