Вы тут

У Мінску паказалі першы кампактны самазвал з гідраўлічным кранам-маніпулятарам


У Мінску паказалі першы кампактны самазвал «Мацак» («Крепыш») з гідраўлічным кранам-маніпулятарам. Такія аўтамабілі пачаў збіраць беларускі вытворца «Аксіём-груп» на сваіх вытворчых плошчах у сталіцы.


Самазвал AGD08M мае амаль што беларускія карані: ён спраектаваны і сабраны ў Мінску. Праўда, у яго аснове — шасі японскага паходжання. Даўжыня — крыху больш за шэсць метраў, але ў гэтым і ёсць перавага. Машына атрымалася спрытная і манеўраная: лёгка ездзіць у складаных закутках і прабіраецца ў абмежаванай прасторы.

А вось самазвальнае абсталяванне ў грузавіку роднае — выраблена ў Беларусі. Здольна перавозіць да 3500 кілаграмаў грузу і выконваць разгрузку на тры бакі. Вышыня бартоў дасягае метра, што забяспечвае прыстойную кубатуру тавараў, што перавозяцца. Уласна кажучы, адсюль і назва «Мацак»: габарыты машыны невялікія, а вось сілы «волатаўскія».

Самазвал абсталяваны кранам-маніпулятарам, сабраным італьянскім вытворцам. Каб работа ішла хутчэй, паклапаціліся аб пульце дыстанцыйнага кіравання і гідраўлічнай лябёдцы. Акрамя таго, можна кіраваць металічнай «рукой» з грузам з бяспечнага месца.

У самазвала ёмістая «японская» кабіна, дзе могуць знаходзіцца адразу тры чалавекі. У базавую камплектацыю ўваходзяць кандыцыянер і электрычны пакет.

«Нічога падобнага ў Беларусі раней не збіралі. Калі вобразна, мы злучылі ў аўтамабілі японскую надзейнасць, італьянскую якасць і беларускую стараннасць. Было важна зрабіць машыну кампактнай, так як гэта спрашчае яе эксплуатацыю і зніжае выдаткі, але ў той жа час ёмістай і функцыянальнай, з хуткай загрузкай і разгрузкай. Мы чакаем на яе вялікі попыт сярод беларускіх прадпрыемстваў», — прагназуюць вытворцы.

Дарэчы, першыя пяць машын ужо перададзены буйному прадпрыемству ЖКГ. Неўзабаве рушаць следам і іншыя — на прадпрыемстве чакаюць нямала заказаў ужо сёлета.

Сяргей КУРКАЧ

Выбар рэдакцыі

Палітыка

Літоўцы раскручваюць крывавую хвалю гвалту

Літоўцы раскручваюць крывавую хвалю гвалту

З беларуска-літоўскай граніцы працягваюць паступаць весткі, ад якіх проста кроў стыне ў жылах. 

Грамадства

Ва ўстановах адукацыі чакаюць сваіх абітурыентаў

Ва ўстановах адукацыі чакаюць сваіх абітурыентаў

Вызначыцца з выбарам прафесіі і месцам навучання можна да 7 жніўня ўключна.

Спорт

«Максім сказаў і зрабіў». Бацькі і трэнеры пра алімпійскі поспех Максіма Недасекава

«Максім сказаў і зрабіў». Бацькі і трэнеры пра алімпійскі поспех Максіма Недасекава

У сераду ў Мінск вярнуўся бронзавы прызёр Алімпійскіх гульняў у скачках у вышыню Максім Недасекаў.

Грамадства

Рэгістрацыйныя карткі для таксістаў

Рэгістрацыйныя карткі для таксістаў

А яшчэ нармальны рабочы дзень, адпачынак і права на «бальнічны»...