Вы тут

Генерал-маёр Ігар Голуб правёў Урок мужнасці


Днямі школьнікі Мачулішчанскай сярэдняй школы наведалі аэрадром 50-й змешанай авіяцыйнай базы пад Мінскам, дзе камандуючы Ваенна-паветранымі сіламі і войскамі супрацьпаветранай абароны генерал-маёр Ігар Голуб правёў Урок мужнасці напярэдадні Дня абаронцаў Айчыны і Узброеных Сіл Рэспублікі Беларусь.


Ігар Голуб пагутарыў з хлопчыкамі і дзяўчынкамі аб важнай ролі арміі ў жыцці кожнага грамадзяніна краіны. Варта адзначыць, што сярод падлеткаў не было выпадковых людзей. Усе яны з'яўляюцца кадэтамі, якія мараць у будучыні стаць вайскоўцамі, у тым ліку ваеннымі лётчыкамі і авіятэхнікамі.

Камандуючы ВПС і войскамі СПА расказаў пра сябе, ролю ваеннай авіяцыі ў абараназдольнасці краіны, асаблівасці ваеннай службы ваенных лётчыкаў, на прыкладзе армейскіх авіятараў распавёў аб гістарычных і сучасных дасягненнях, аб новым узбраенні і ваеннай тэхніцы, ролі спецыялістаў лётна-тэхнічнага складу ў падтрыманні баявой гатоўнасці Узброеных Сіл. Таксама ён даў некалькі значных парад для выбару ваеннай прафесіі. І адказаў на ўсе ўзніклыя пытанні. Пасля гэтага гасцям паказалі ўзбраенне і ваенную тэхніку воінскай часці.

— На ўроках мужнасці мы хацелі данесці да моладзі разуменне таго, што абаронцам Айчыны можа быць не толькі чалавек, які праходзіць службу ва Узброеных Сілах, — распавёў Ігар Голуб. — Абаронца — гэта любы чалавек, які гатовы стаць на абарону сваёй Радзімы, сям'і і блізкіх. Галоўнай задачай было данесці дзецям тое, што ў нас ёсць свая гісторыя, якім чынам і сіламі былі дасягнуты мір і спакой пад небам краіны, каб моладзь ведала герояў, загінулых у імя міру на палях бітваў, памятала і шанавала нашу гісторыю.

Аляксандр ГАНЧАРОЎ

Фота аўтара

Загаловак у газеце: Урок мужнасці на прыкладзе сучаснікаў

Выбар рэдакцыі

Калейдаскоп

Мужчынская прыгажосць: дар прыроды альбо пільны догляд за сабой?

Мужчынская прыгажосць: дар прыроды альбо пільны догляд за сабой?

Меркаванне, што мужчынам не патрэбна даглядаць за сабой, сёння гучыць архаічна.

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. У панядзелак у нефармальнай абстаноўцы можна будзе вырашыць значныя праблемы. Перад вамі могуць адкрыцца новыя магчымасці. 

Здароўе

Аздаравіць сэрца можна ў любым узросце

Аздаравіць сэрца можна ў любым узросце

Вядома, што сярод прычын заўчаснай смерці сардэчна-сасудзістыя захворванні ўпэўнена займаюць першае месца.