Вы тут

У Ваеннай акадэміі Беларусі пасля рамонту і мадэрнізацыі адкрылася паліклініка


У Ваеннай акадэміі Беларусі пасля рамонту і мадэрнізацыі адкрылася паліклініка з лазарэтам на 60 ложкаў. Яна разлічана на тое, што атрымаць у ёй кансультацыі і медыцынскую дапамогу змогуць да 4,5 тысячы чалавек, паведамілі ў Міністэрстве абароны.


У цырымоніі адкрыцця ўзяў удзел міністр абароны Беларусі, генерал-лейтэнант Віктар Хрэнін.

— Паліклініка стала прасторнейшай. Яна ўкамплектавана новым дыягнастычным і лячэбным абсталяваннем. Тут створаны камфортныя ўмовы і для работы персаналу, і для наведвальнікаў. Увогуле, апошнім часам увесь свет адчуў, як шмат залежыць ад узроўню развіцця медыцыны. А ва Узброеных Сілах заўсёды ў аснову ставілі клопат пра здароўе вайскоўцаў. І за апошні час зроблена шмат чаго ў гэтым плане, падкрэсліў Віктар Хрэнін. Так, летась мы адкрылі пасля капітальнага рамонту самае вялікае медыцынскае падраздзяленне — медыцынскую роту 72-га аб'яднанага навучальнага цэнтра.

Міністр абароны асобна падзякаваў будаўнікам. Ён адзначыў, што былі выкананы ўсе дагаворныя тэрміны, дзякуючы чаму аб'ект быў здадзены якраз да 23 лютага. Тым самым атрымаўся добры падарунак для вайскоўцаў.

Сёлета гэта не апошняе абнаўленне для Ваеннай акадэміі. Мяркуецца, што неўзабаве пачнуцца маштабныя работы ў галоўным корпусе і ў адным з інтэрнатаў. А на наступны год запланаваны рамонт казармы і клуба «Ракетчык».

Валяр’ян ШКЛЕННІК

Прэв’ю: sb.by

Загаловак у газеце: На варце здароўя

Выбар рэдакцыі

Эканоміка

Электрадамы становяцца ўсё больш папулярныя. А тэндэнцыя індывідуальнага будаўніцтва — сучасныя хутары

Электрадамы становяцца ўсё больш папулярныя. А тэндэнцыя індывідуальнага будаўніцтва — сучасныя хутары

Сёлета плануецца ўвесці ў эксплуатацыю 4 млн квадратных метраў агульнай плошчы жылля.

Грамадства

Не параўноўвайце сябе з іншымі. Як таксічныя людзі атручваюць наша жыццё?

Не параўноўвайце сябе з іншымі. Як таксічныя людзі атручваюць наша жыццё?

У нашым акружэнні практычна заўсёды знойдзецца песіміст, нечым пакрыўджаны, запальчывы чалавек, вакол якога заўсёды скандалы і звадкі. 

Грамадства

Па ўсёй краіне наступіў час школьных базараў

Па ўсёй краіне наступіў час школьных базараў

Скідкі, растэрміноўкі і шырокі асартымент