Вы тут

Макей: Падыходы да тэматыкі правоў чалавека не толькі не аб’ядноўваюць міжнародную супольнасць, але прадаўжаюць яе падзяляць


У шэрагу выпадкаў падыходы да тэматыкі правоў чалавека не толькі не аб’ядноўваюць міжнародную супольнасць, але прадаўжаюць яе падзяляць. Аб гэтым міністр замежных спраў Беларусі Уладзімір Макей заявіў сёння ў Жэневе ў час выступлення на 46-й сесіі Савета ААН па правах чалавека, перадае БЕЛТА.


Уладзімір Макей адзначыў, што асноўныя міжнародна прызнаныя дакументы ААН у сферы абароны і падтрымкі правоў чалавека прадпісваюць дзяржавам для дасягнення гэтай мэты імкнуцца да пашырэння міжнароднага супрацоўніцтва і дыялогу на аснове ўзаемапавагі і ўзаемаразумення.

«На жаль, у рэаліях сучаснага свету ў шэрагу выпадкаў падыходы да тэматыкі правоў чалавека не толькі не аб’ядноўваюць міжнародную супольнасць, але прадаўжаюць яе падзяляць. Правы чалавека сталі прывычнай падставай так званых сталых дэмакратый для адвольных абвінавачанняў у адрас тых дзяржаў, якія выконваюць абавязацельствы ў сферы правоў чалавека, строга прытрымліваючыся міжнародных дагавораў, а не іх тэндэнцыйных тлумачэнняў», — падкрэсліў міністр.

На яго думку, робіцца гэта для палітычнай дыскрэдытацыі ўлады ў гэтых дзяржавах, якая не ўпісваецца ў заходнюю карціну свету, і ліквідацыі яе любой цаной.

«Я ўпэўнена гавару аб гэтым па той простай прычыне, што вельмі любімая цацка заходніх краін у выглядзе эканамічных санкцый, што актыўна выкарыстоўваецца імі для націску на іншыя суверэнныя дзяржавы, абсалютна несумяшчальная з клопатам аб людзях і іх правах», — заявіў беларускі дыпламат.

Ён звярнуў увагу, што такая тактыка ўяўляе сабой недапушчальнае парушэнне прынцыпаў Дэкларацыі міжнароднага права, заснаванай у 1970 годзе. У ёй абвешчана, што ні адна дзяржава не можа ні прымяняць, ні падтрымліваць прымяненне аднабаковых эканамічных, палітычных мер або мер любога іншага характару з мэтай дабіцца падпарадкавання сабе іншай дзяржавы ў ажыццяўленні ёю сваіх суверэнных правоў.

«Трэба памятаць, што ўніверсальныя і прыналежныя ўсёй сусветнай супольнасці правы чалавека не павінны трактавацца аднабакова. Кожная дзяржава прыкладае магчымыя намаганні для дасягнення ўзгодненых міжнародных стандартаў з улікам свайго нацыянальнага кантэксту і рэальных магчымасцей. Каб ацаніць дасягнуты дзяржавай прагрэс, патрэбны дыялог і ўзаемаразуменне, а не надуманыя абвінавачанні і пагрозы», — падкрэсліў кіраўнік беларускага знешнепалітычнага ведамства.

Выбар рэдакцыі

Грамадства

Даведаліся, колькі каштуе букет на 8 Сакавіка

Даведаліся, колькі каштуе букет на 8 Сакавіка

Ці прынята ў нас дарыць «мільён алых руж» каханай?

Грамадства

Чым прыцягвае чытачоў часопіс «Алеся»?

Чым прыцягвае чытачоў часопіс «Алеся»?

Размова з галоўным рэдактарам Ларысай Ракоўскай.

Грамадства

Анатомія мезальянсу. Чаму няроўныя шлюбы былі, ёсць, будуць?

Анатомія мезальянсу. Чаму няроўныя шлюбы былі, ёсць, будуць?

Любоўных гісторый, якія прыцягваюць павышаную ўвагу грамадства, нямала.

У свеце

Каменданцкія часы. Чым падаграецца глабальная пратэсная хваля?

Каменданцкія часы. Чым падаграецца глабальная пратэсная хваля?

Людзі стаміліся ад лакдаўну і беспрацоўя і выходзяць на пратэсты, а надзея перамагчы пандэмію ўсеагульнай вакцынацыяй, падобна, растае на вачах: прэпараты па-ранейшаму недаступныя ўсім ахвотным і ў найбліжэйшы час сітуацыя наўрад ці зменіцца.