Вы тут

Жыць так, каб не было сорамна. У РТБД адбыўся паказ спектакля «Прафіт»


Цяжка сказаць, што апошні год быў багаты на культурныя падзеі — пандэмія зрабіла сваю справу. Таму цяпер амаль кожны спектакль або выстаўка ўспрымаюцца з вялікай радасцю і ўвагай. Рэспубліканскі тэатр беларускай драматургіі таксама вяртаецца ў рабочы стан: 19 лютага адбыўся паказ трагікамедыі «Прафіт» па матывах знакамітай п'есы расійскага драматурга Астроўскага «Даходнае месца», у пастаноўцы Аляксандра Гарцуева.


Дзеянне перанесена ў наш час, п'еса атрымала пазнаку «трагікамедыя з жыцця дзяржслужачых». Галоўны герой «Прафіту» па прозвішчы Жадаў павінен зрабіць маральны выбар: жыць багата, але ганебна, або не прадаваць сябе і свае прынцыпы.

Нягледзячы на некаторую гратэскнасць і камічнасць, спектакль падымае важныя сацыяльныя пытанні. Як не страціць сябе сярод іншых? Як выбраць работу, якая будзе прыносіць не толькі грошы, але і душэўны спакой?

Стыльная манахромная сцэнаграфія Юрыя Саламонава яшчэ мацней выяўляе праблему, з якой сутыкнуўся галоўны герой пастаноўкі.

Каб лепш адчуць настрой «Прафіту», глядзіце фотарэпартаж Яна Хведчына.

Арына КАРПОВІЧ

Фота Яна ХВЕДЧЫНА

Выбар рэдакцыі

Грамадства

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Інтэрв’ю з капітанам каманды «Доктар Хаусс» Паўлам Малахавым.​