Пра гэта ў сваім тэлеграм-канале напісаў старшыня гарвыканкама Аляксандр Рагачук і прывёў графік штотыднёвай захваральнасці. Указаны графік служыў ілюстрацыяй пры абмеркаванні праблемы на рэспубліканскім навуковым семінары медыкаў. Семінар адбыўся ў Брэсцкай цэнтральнай гарадской бальніцы з удзелам галоўнага пазаштатнага анестэзіёлага-рэаніматолага Міністэрства аховы здароўя краіны доктара меднавук Аляксандра Дзядзько.
Больш за 120 урачоў з розных рэгіёнаў краіны абмеркавалі пытанні рэанімацыі і інтэнсіўнай тэрапіі, санітарна-эпідэміялагічны рэжым пры лячэнні ковіду. Форум быў прысвечаны пытанням лячэння хворых з цяжкімі формамі працякання інфекцыі.
На семінары адзначалася, што ўсе дасягненні айчыннай медыцыны ў лячэнні і дыягностыцы каранавіруснай інфекцыі зараз даступныя і медыкам Брэста.
Сваім падпісчыкам кіраўнік горада напомніў, што нягледзячы на зніжэнне інфекцыя застаецца актыўнай, і заклікаў не страчваць пільнасць, захоўваць усе меры перасцярогі.
Святлана ЯСКЕВІЧ
Прэв’ю: 2gkb.by
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.