Вы тут

Да 100-годдзя БДУ знаўцы з універсітэта прымуць удзел у дабрачыннай тэлевізійнай гульні «Што? Дзе? Калі?»


Яе трансляцыя адбудзецца на канале АНТ у кастрычніку бягучага года напярэдадні ўрачыстага пасяджэння БДУ з нагоды яго векавога юбілею.


У склад зборнай увойдуць шэсць студэнтаў і выкладчыкаў універсітэта, прызнаныя найлепшымі па выніках чатырох адборачных універсітэцкіх тураў «Што? Дзе? Калі?» і «Брэйн-рынга». Гэтыя гульні пройдуць пад эгідай «БДУ-100!» на працягу шасці месяцаў. Тэмай усіх этапаў стануць гісторыя і сённяшні дзень універсітэта. Знаўцы адкажуць на пытанні, якія датычацца асноўных падзей і дзейнасці ўніверсітэта.

Барацьба ў кожным з турніраў разгорнецца паміж дванаццаццю зборнымі БДУ. Усе інтэлектуальныя спаборніцтвы і тэлевізійную гульню правядзе вядучы і заснавальнік тэлеклуба «Што? Дзе? Калі?» у Беларусі Алесь Мухін. У выпадку перамогі ў дабрачыннай гульні знаўцаў БДУ грашовы прыз плануецца накіраваць у адзін з мінскіх дзіцячых дамоў. Арганізатарам мерапрыемства выступаюць БДУ, кампанія «Гульня ТБ Бел».

Гісторыя інтэлектуальнага руху ў БДУ бярэ пачатак са стварэння ў 1997 годзе па ініцыятыве выкладчыкаў гістарычнага факультэта Віктара і Сцяпана Цемушавых клубаў інтэлектуальных гульняў «Ніка» і Ліцэя БДУ.

З тых часоў каманды БДУ рэгулярна выступаюць на розных інтэлектуальных мерапрыемствах універсітэцкага, гарадскога і рэспубліканскага ўзроўняў. На Адкрытым чэмпіянаце ВНУ Расіі па інтэлектуальных гульнях студэнты БДУ шматразова станавіліся чэмпіёнамі, пацвярджаючы статус самых інтэлектуальных студэнтаў у СНД. А на чэмпіянаце Еўропы па інтэлектуальных гульнях сярод студэнцкіх камандаў з 2005 да 2019 года студэнты БДУ заваявалі больш за 30 медалёў.

З 48 удзельнікаў сёлетняга сезона тэлевізійнай гульні «Што? Дзе? Калі?» 17 з'яўляюцца выпускнікамі БДУ. Таксама ў лік маладых гульцоў клуба ўваходзяць чацвёртакурснікі Арына Арзамазава (факультэт міжнародных адносін), Аліна Данілава (філалагічны факультэт), Уладзіслаў Пупшыновіч (гістарычны факультэт) і Валянцін Капачэль (факультэт прыкладной матэматыкі і інфарматыкі).

Надзея НІКАЛАЕВА

Прэв'ю: tvigra.by

Загаловак у газеце: Інтэлектуалы выходзяць на старт

Выбар рэдакцыі

Грамадства

​Жыхары Кобрына аднавілі бабуліну хату ў вёсцы і ствараюць аграсядзібу

​Жыхары Кобрына аднавілі бабуліну хату ў вёсцы і ствараюць аграсядзібу

Яшчэ некалькі гадоў таму Людміла і Уладзімір Жарын былі звычайнымі жыхарамі райцэнтра.

Культура

Крывавыя сосны і нябачная варта. ​Чаму Лідскі замак ахоўваюць загінулыя ў XІV стагоддзі ваяры

Крывавыя сосны і нябачная варта. ​Чаму Лідскі замак ахоўваюць загінулыя ў XІV стагоддзі ваяры

«На схіле ўзгорка, нібы падпіраючы замак, растуць дзве даўгалетнія сасны. Яны захаваліся дзякуючы пашыранаму сярод гараджан і навакольных жыхароў перакананню, што яны выраслі не на раслінным соку, а на крыві».