Цэны на лекі ў Беларусі не могуць быць вышэй, а асартымент горш, чым у суседніх краінах, заявіў намеснік прэм’ер-міністра Ігар Петрышэнка сёння на выніковай калегіі Міністэрства аховы здароўя, паведамляе прэс-служба ведамства.
«Пандэмія COVID-19 вельмі выразна і адназначна паказала асаблівую важнасць наяўнасці ў краіне ўласнай развітой фармацэўтычнай прамысловасці. Менавіта дзякуючы айчыннаму фармпраму ўдалося пазбегнуць некіраванага ажыятажу на лекавым рынку, не дапусціць дэфіцыту найбольш запатрабаваных прэпаратаў», — сказаў Ігар Петрышэнка.
Па-ранейшаму у цэнавым сектары найбольшую вастрыню ствараюць недзяржаўныя пастаўшчыкі і аптэчныя сеткі, якія зыходзяць выключна з паняццяў звышпрыбытку. Намесніку міністра аховы здароўя, які курыруе дадзеныя пытанні, і кіраўніку «Белфармацыі» ён даручыў прывесці ўсе да цывілізаваных формаў работы, якія адпавядаюць інтарэсам дзяржавы і патрэбам насельніцтва.
«Цэны на лекі ў Беларусі не могуць быць вышэйшыя, а асартымент горшы, чым у суседніх краінах. Усе прылады і рычагі ў вас для гэтага ёсць», — заявіў Ігар Петрышэнка.
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.