Вы тут

Віцебская «Лялька» рыхтуе прэм’еру спектакля-імправізацыі па матывах беларускай народнай казкі


Беларускі тэатр «Лялька» ў Віцебску 27 лютага пакажа прэм’еру спектакля «Ох і залатая табакерка» па матывах беларускай народнай казкі, паведамілі ў установе.


Аўтар пастаноўкі — заслужаны дзеяч мастацтваў Беларусі, мастацкі кіраўнік тэатра Віктар Клімчук. Сцэнаграфія, лялькі і касцюмы Дзмітрыя Гарылевіча, музычнае афармленне Алены Пеле, харэаграфія Дзіяны Юрчанка.

Пастаноўка прасякнута народнай мудрасцю: шлях да сапраўднага шчасця няпросты. Аднак калі пастарацца, можна знайсці выйсце нават з самай складанай сітуацыі. Гэта і трэба будзе зрабіць герою казкі Янку. «Музыканты-казачнікі, гуляючы і жартам, спрабуюць высветліць, ці ёсць на свеце лёгкае шчасце. І герой праз мноства выпрабаванняў вучыцца шукаць сапраўдную сілу ва ўласным сэрцы і ў сэрцах верных сяброў», — адзначылі ў лялечным тэатры.

Казку распавядуць акцёры Дзяніс Кальянаў, Юрый Франкаў, Дар’я Зімніцкая, Аляксей Макарскі і Аляксандра Бурдзілоўская.

Выбар рэдакцыі

Грамадства

Ніна Іванова: «Менавіта грамадства павінна рабіць крокі насустрач»

Ніна Іванова: «Менавіта грамадства павінна рабіць крокі насустрач»

Беларускае таварыства дружбы і культурнай сувязі амаль стагоддзе займаецца папулярызацыяй духоўных і культурных здабыткаў.

Культура

Пра што сведчаць гістарычныя графіці ў самым старажытным захаваным храме Беларусі

Пра што сведчаць гістарычныя графіці ў самым старажытным захаваным храме Беларусі

Надпісы кшталту «тут быў...» на сценах з’яўляліся яшчэ ў Сярэднявеччы.

Грамадства

Як сэканоміць на «камуналцы»? Інструкцыя ад спецыялістаў

Як сэканоміць на «камуналцы»? Інструкцыя ад спецыялістаў

Хто мае права на вяртанне грошай, а хто — заплаціць цалкам.