Вы тут

Двое брастаўчан загінулі ў прыватным доме. Найбольш верагодная версія — атручэнне чадным газам


Следчы камітэт паведаміў аб трагедыі ў адным з прыватных дамоў Брэста. Там знайшлі целы 48-гадовай жанчыны і яе 45-гадовага знаёмага.


Фота: СК.

Трывогу забіла маці жанчыны, бо апошняя ўчора не выйшла на працу, а на званкі калег не адказала. Тады з работы патэлефанавалі маці, яна занялася пошукамі дачкі і звярнулася ў міліцыю. У ходзе пошукавых мерапрыемстваў цела дачкі было знойдзена ў доме яе знаёмага. Гаспадар таксама быў мёртвы.

Сярод найбольш верагодных прычын гібелі людзей разглядаецца атручэнне чадным газам ад печы, якая знаходзіцца ў доме.

Устанавіць жа прычыну смерці спецыялісты змогуць пасля следчай праверкі і правядзення судова-медыцынскіх экспертыз, якія ўжо прызначаны.

Святлана ЯСКЕВІЧ

Выбар рэдакцыі

Грамадства

Якую небяспеку нясе экспрэс-дыета?

Якую небяспеку нясе экспрэс-дыета?

 Варта разумець, што дыеты такога тыпу — радыкальны метад, які мае шмат мінусаў.

Культура

Рэстаўрацыя па-беларуску: ратаваць — неабходна

Рэстаўрацыя па-беларуску: ратаваць — неабходна

Гістарычная памяць — тое, што вызначае будучыню... Здаецца, банальная ісціна, якую не трэба нікому даказваць.