Вы тут

Таццяна Рунец: У Беларусі падтрымка сям'і з'яўляецца адным з прыярытэтаў дзяржаўнай палітыкі


Асаблівая ўвага — да шматдзетных сем'яў. Іх звароты, пытанні і праблемы заўсёды знаходзяць разуменне ў членаў верхняй палаты Нацыянальнага сходу Рэспублікі Беларусь.


Тац­ця­на Ру­нец у час на­ра­ды. Фота sovrep.gov.by

Каб высветліць сітуацыю, аб'ектыўна разабрацца ў праблемах мінскай шматдзетнай сям'і, член Прэзідыума Савета Рэспублікі, старшыня Пастаяннай камісіі па эканоміцы, бюджэце і фінансах Таццяна Рунец была вымушана правесці спецыяльную нараду. Нагода — зварот галавы гэтай сям'і з просьбай пасадзейнічаць у пастаноўцы яе на ўлік менавіта як шматдзетнай. Да размовы былі запрошаны прадстаўнікі Мінскага гарадскога выканаўчага камітэта, адміністрацый Фрунзенскага і Маскоўскага раёнаў сталіцы.

Удзельнікі нарады дэталёва вывучылі ўзнятыя ў звароце пытанні, абмяняліся думкамі, выказалі свае пазіцыі і разгледзелі магчымыя шляхі вырашэння жыллёвай праблемы ў адпаведнасці з дзеючым заканадаўствам. Сям'і былі прапанаваны варыянты пастаноўкі яе на ўлік для паляпшэння жыллёвых умоў.

У ходзе пасяджэння Таццяна Рунец нагадала, што ў Беларусі падтрымка сям'і з'яўляецца адным з прыярытэтаў дзяржаўнай палітыкі. Бо сям'я ў нас — аснова захавання і развіцця беларускай нацыі, сказала сенатар.

Клопатам аб шматдзетных сем'ях была прасякнута рабочая паездка ў Гродзенскую вобласць старшыні Пастаяннай камісіі Савета Рэспублікі па адукацыі, навуцы, культуры і сацыяльным развіцці Віктара Лісковіча. У прыватнасці, у Слонімскім раённым выканаўчым камітэце ён правёў прыём непаўналетніх і іх законных прадстаўнікоў. Сустрэчы адбыліся ў рамках работы Нацыянальнай камісіі па правах дзіцяці.

Частка наведвальнікаў паставіла пытанні, якія датычацца падтрымкі шматдзетных сем'яў, выкарыстання мацярынскага капіталу, давання льгот выпускнікам профільных класаў пры паступленні ў ВНУ і іншыя.Напрыклад, сям'я, у якой 10 сваіх і прыёмных дзяцей, жыве ў добраўпарадкаваным катэджы плошчай больш за 300 кв. м. Пры гэтым ёсць жаданне і магчымасць прыняць на выхаванне больш дзяцей, але заканадаўствам абмежавана максімальная колькасць выхаванцаў. З-за гэтага не атрымалася ўзяць у сям'ю дваіх сірот — брата і сястру.

На думку Віктара Лісковіча, у такіх сітуацыях неабходна ісці насустрач. Паводле яго слоў, сенатары будуць працаваць над тым, каб унесці адпаведныя змяненні ў нарматыўныя акты. Калі ёсць жаданне, магчымасць, дазваляюць умовы, то чаму б не дапамагчы гэтай сям'і зрабіць добрую справу, задаўся пытаннем сенатар.

Яшчэ адно цікавае і злабадзённае пытанне паставіла маці пяцярых дзяцей са Слоніма. Падчас прыёму яна акрэсліла праблему, якая яе хвалюе: статус шматдзетнай сям'я страчвае, напрыклад, калі старэйшаму дзіцяці спаўняецца 18 гадоў. Але многія з дзяцей вучацца ў каледжах і ўніверсітэтах, таму, калі гэта магчыма, варта было б захоўваць статус шматдзетнай сям'і на час вучобы дзяцей, — адзначыла яна.

Гэта пытанне, паабяцаў старшыня Пастаяннай камісіі, будзе прапрацавана з зацікаўленымі ведамствамі.

Леанід ТУГАРЫН

Выбар рэдакцыі

Грамадства

Што рабіць нашым хатнім гадаванцам, у якіх таксама бываюць дэпрэсіі?

Што рабіць нашым хатнім гадаванцам, у якіх таксама бываюць дэпрэсіі?

Адказ на гэтыя і іншыя пытанні ведае наша гераіня.

Грамадства

Ад стагоддзя да стагоддзя. «Чырвонка. Чырвоная змена» святкуе свой стагадовы юбілей

Ад стагоддзя да стагоддзя. «Чырвонка. Чырвоная змена» святкуе свой стагадовы юбілей

Якой сёння павінна быць маладзёжная газета? Пра што і як размаўляць з моладдзю?

Грамадства

«Верагоднасць угадвання на ЦТ зніжаецца»

«Верагоднасць угадвання на ЦТ зніжаецца»

15 новых спецыяльнасцяў, у тым ліку чатыры абсалютна новыя, па якіх падрыхтоўка раней нідзе не вялася, адкрыюцца сёлета ў беларускіх ВНУ.