Вы тут

Старшыня Маларыцкага раённага Савета дэпутатаў Алег Якубчык: Для жыцця на сяле ёсць усё


— На Усебеларускім народным сходзе, дэлегатам якога я быў, разгледжана стратэгія развіцця вёскі — гаворыць старшыня Маларыцкага раённага Савета дэпутатаў Алег ЯКУБЧЫК. — Яшчэ на этапе падрыхтоўкі да сходу я размаўляў з многімі сельскім жыхарамі на гэту тэму.


Усе ў адзін голас адзначаюць, што за апошнія дзесяцігоддзі зроблена вельмі шмат для стварэння ўмоў жыцця на вёсцы, непазнавальна змянілася інфраструктура сельскіх населеных пунктаў. Уладкаванне аграгарадкоў было прарывам на пэўным этапе. А сёння трэба ісці далей. Гэта думка ўпэўнена прагучала і на сходзе.

Для жыцця на сяле ёсць усё: дабротнае жыллё і магчымасць яго будаўніцтва, гандаль, сацкультбыт. Вясковаму чалавеку зараз патрэбна рабочае месца, якое гарантуе годную зарплату і ўпэўненасць у заўтрашнім дні. Прыватны бізнес павінен рухацца ў глыбінку, развіваць не толькі гандаль, але і вытворчасць. Цяпер прадпрымальнік можа тут не толькі, умоўна кажучы, гаршкі ляпіць, але і выпускаць прадукцыю з дапамогай 3D-прынтара. Адлегласці ж па цяперашнім часе не маюць прынцыповага значэння.

Яшчэ адна задача на найбліжэйшую перспектыву — развіваць сельскагаспадарчы бізнес, маюцца на ўвазе фермерскія і сялянскія гаспадаркі. У гэтай сферы людзі павінны таксама атрымліваць легальныя пастаянныя рабочыя месцы. Неабходна спрасціць працэдуру найму як сезонных, так і пастаянных работнікаў — пра гэта не раз чуў ад фермераў.

Праграма на наступную пяцігодку прынятая, стратэгія развіцця вызначаная, зараз час распрацоўваць інструменты рэалізацыі як на заканадаўчым узроўні, так і ў практычным плане.

Святлана ЯСКЕВІЧ

Загаловак у газеце: Развіваць і ўмацоўваць глыбінку

Выбар рэдакцыі

Грамадства

Уладзімір Каранік: «На ШВЛ вакцынаваных няма»

Уладзімір Каранік: «На ШВЛ вакцынаваных няма»

Медыкі і губернатар Гродзенскай вобласці адказалі на пытанні па прышчэпках

Эканоміка

Хто выбраў год таму айчынную валюту, аказаўся ў выйгрышы. Куды ўкласці грошы зараз, каб атрымаць выгаду

Хто выбраў год таму айчынную валюту, аказаўся ў выйгрышы. Куды ўкласці грошы зараз, каб атрымаць выгаду

Знаёмства маладых людзей з першымі грашыма адбываецца дзіўным чынам.