Вы тут

Прафсаюзы пачынаюць штотыднёвы маніторынг цэн на прадукты і лекі


З сённяшняга дня Федэрацыя прафсаюзаў Беларусі пачынае сачыць за наяўнасцю і коштамі прадуктаў і лекаў першай неабходнасці. Аб гэтым «Звяздзе» паведамілі ў нацыянальным прафцэнтры.


Трэба сказаць, што перыядычны кантроль за цэнамі ў краіне знаходзіўся ў полі зроку прафсаюзных спецыялістаў даўно — прафсаюзы штомесяц адсочвалі дынаміку коштаў на сацыяльна значныя тавары. Зараз жа з прыняццем пастановы ўрада «Аб часовых мерах па стабілізацыі цэн на сацыяльна значныя тавары першай неабходнасці» вывучэнне сітуацыі на спажывецкім рынку будзе выконвацца значна часцей — штотыдзень.

Як нагадалі ў ФПБ, неабходнасць увядзення абмежавання росту цэн у краіне прафсаюзы агучвалі з пачатку года, паколькі перыядычны аналіз сітуацыі выявіў досыць істотнае павышэнне цэн на шэраг тавараў. Вынікам гэтага стала пастанова ўрада, у адпаведнасці з якой з 1 сакавіка рост коштаў на прадукты і лекі першай неабходнасці не павінен перавышаць 0,2 % у месяц. Павелічэнне цэтлікаў вышэй за гэтую лічбу патрабуе наяўнасць аб'ектыўных прычын і магчыма толькі па ўзгадненні адмысловай камісіяй пры Саўміне.

— У пералік тавараў, прапісаных у дакуменце, уключаны прадукты, якія людзям патрэбныя практычна кожны дзень, а таксама найбольш запатрабаваныя лекі. Яны павінны быць даступныя для ўсіх. Таму ў кожным раёне вызначаны спіс крам і аптэк, у якіх прадстаўнікі прафсаюзаў раз на тыдзень будуць правяраць фактычную наяўнасць, асартымент і запасы гэтых прадуктаў і медыкаментаў, — падкрэслілі ў ФПБ. — Таксама будзе праводзіцца штотыднёвы параўнальны аналіз цэн па кожнай пазіцыі з гэтай групы тавараў. У выпадку выяўлення асобных або сістэмных праблемных сітуацый, гэтыя пытанні будуць аператыўна накіроўвацца для рэагавання ў адпаведныя ведамствы.

Вольга АЛЯКСАНДРАВА

Фота oshmiany.gov.by

Выбар рэдакцыі

Грамадства

10 прадуктаў-антыдэпрэсантаў, якія абавязкова павінны быць на вашым стале

10 прадуктаў-антыдэпрэсантаў, якія абавязкова павінны быць на вашым стале

Добры настрой — гэта падмурак высокай якасці нашага жыцця.

Грамадства

З акцэнтам на вусны. Правільны макіяж для сталых людзей

З акцэнтам на вусны. Правільны макіяж для сталых людзей

Многія жанчыны лічаць, што макіяж ў сталым узросце рабіць не варта, таму што гэта «дадае гадоў».

Культура

Літаратурная вандроўка на Уздзеншчыну. Што цікавага ў раённым гісторыка-краязнаўчым музеі

Літаратурная вандроўка на Уздзеншчыну. Што цікавага ў раённым гісторыка-краязнаўчым музеі

 У сценах установы ў межах літаратурна-музычнай імпрэзы прагучалі вершы і песні.