Вы тут

Зробленую ў Беларусі вакцыну «Спадарожнік V» могуць экспартаваць у трэція краіны


Зробленую ў Беларусі вакцыну «Спадарожнік V» могуць экспартаваць у трэція краіны, паведаміў журналістам генеральны дырэктар Расійскага фонду прамых інвестыцый Кірыл Дзмітрыеў, інфармуе БЕЛТА.


«Мы бачым, што Беларусь можа вырабляць вакцыну не толькі для сябе. Пасля задавальнення ўнутранага попыту магчыма таксама экспартаваць вакцыну з Беларусі трэцім краінам, што таксама будзе важна і дазволіць сумесна дапамагаць іншым дзяржавам у барацьбе з пандэміяй, хоць, безумоўна, прыярытэтам з’яўляецца вакцынацыя грамадзян Расіі і Беларусі», - сказаў Кірыл Дзмітрыеў.

Ён таксама адзначыў, што беларускае прадпрыемства «Белмедпрэпараты», на пляцоўках якога па расійскай тэхналогіі разліты першыя валідацыйныя серыі гэтай вакцыны, з’яўляецца адным з найбольш прасунутых фармгульцоў у параўнанні з многімі фармкампаніямі свету, з якімі супрацоўнічае РФПІ. Гэта дало магчымасць у самыя кароткія тэрміны асвоіць ключавыя этапы выпуску прэпарата «Спадарожнік V».

Міністр аховы здароўя Дзмітрый Піневіч звярнуў увагу на тое, што Беларусь удзельнічала ў клінічных выпрабаваннях вакцыны «Спадарожнік V» і першай яе зарэгістравала і атрымала. Ужо на тым этапе меркавалася, што вытворчасць будзе лакалізавана і ў Беларусі для забеспячэння поўнай патрэбнасці насельніцтва ў вакцынацыі. Па словах міністра, гэта сведчыць аб тым, што ўзаемадзеянне з расійскімі калегамі носіць стратэгічны характар.

Прэпаратам «Спадарожнік V» вакцынаваны ўжо больш за 1,5 млн чалавек. Вакцына адобрана ў Расіі, Беларусі, Сербіі, Аргентыне, Балівіі, Алжыры, Палестыне, Венесуэле, Парагваі, Туркменістане, Венгрыі, ААЭ, Іране, Гвінеі, Тунісе і Арменіі. Ініцыяваная рэгістрацыя вакцыны ў ЕС.

Выбар рэдакцыі

Культура

Рэстаўрацыя па-беларуску: ратаваць — неабходна

Рэстаўрацыя па-беларуску: ратаваць — неабходна

Гістарычная памяць — тое, што вызначае будучыню... Здаецца, банальная ісціна, якую не трэба нікому даказваць.

Грамадства

10 прадуктаў-антыдэпрэсантаў, якія абавязкова павінны быць на вашым стале

10 прадуктаў-антыдэпрэсантаў, якія абавязкова павінны быць на вашым стале

Добры настрой — гэта падмурак высокай якасці нашага жыцця.

Грамадства

З акцэнтам на вусны. Правільны макіяж для сталых людзей

З акцэнтам на вусны. Правільны макіяж для сталых людзей

Многія жанчыны лічаць, што макіяж ў сталым узросце рабіць не варта, таму што гэта «дадае гадоў».

Культура

Літаратурная вандроўка на Уздзеншчыну. Што цікавага ў раённым гісторыка-краязнаўчым музеі

Літаратурная вандроўка на Уздзеншчыну. Што цікавага ў раённым гісторыка-краязнаўчым музеі

 У сценах установы ў межах літаратурна-музычнай імпрэзы прагучалі вершы і песні.