У Віцебскім абласным краязнаўчым музеі анансавалі багатую перадсвяточную праграму, прысвечаную Міжнароднаму жаночаму дню.
7 сакавіка ў Мастацкім музеі (уваходзіць у склад краязнаўчага), у прыватнасці, арганізуюць майстар-клас Алены Карпіцкай «Карціна з водарам кавы» па роспісе гэтым напоям.
Правядуць гульню «Тайна калекцыі рускага жывапісу».
Аўтар карцін, якія свецяцца ў цемры, Аляксандр Вышка асабіста стане экскурсаводам на сваёй выставе «XIII цуд свету». Што цікава, адбудзецца розыгрыш па ўваходным білеце аднаго з святлодынамічных твораў.
Жанчын заінтрыгавалі і магчымасцю атрымаць кветкі з рук «кавалера эпохі ампір». Рэалізуюць музейшчыкі ў гэты дзень і іншыя вельмі цікавыя ідэі.
Аляксандр ПУКШАНСКІ
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».