Вы тут

У Брэсце могуць з’явіцца новыя электронныя праязныя


У Брэсце прапрацоўваюць магчымасці ўкаранення новых відаў электронных праязных білетаў. Такая інфармацыя апублікаваная ў Telegram-канале старшыні гарвыканкама Аляксандра Рагачука.


«Прапрацоўваецца магчымасць ўкаранення ў горадзе новых відаў электронных праязных білетаў. Сумесна з распрацоўшчыкамі прыкладанняў TIX, Cashew і „Аплаці“ разглядаем розныя варыянты», — напісаў Аляксандр Рагачук. Плануецца, што ў Брэсце будуць праязныя на 5, 10, 20, 30, 40, 50 і 60 паездак. Можа з’явіцца магчымасць купіць білет, які будзе дзейнічаць 1, 3, 7 і 10 каляндарных дзён (як агульны, так і асобна для тралейбуса і аўтобуса), месячны праязны, а таксама з умовай выкарыстання толькі ў працоўныя дні.

Раней кіраўнік Брэсцкага гарвыканкама анансаваў, што ў абласным цэнтры ў гэтым годзе можа выйсці на лінію першы электробус. «Прапрацоўваюцца варыянты набыцця пілотнага асобніка. Вызначыліся, што ён будзе курсаваць ад цэнтральнай гарадской бальніцы да аўтавакзала. Па выніках года разгледзім варыянты паступовага павелічэння электробусаў з улікам усіх складнікаў — цэн, будаўніцтва зарадных станцый, эксплуатацыйных выдаткаў у параўнанні з тралейбусамі і аўтобусамі», — растлумачыў Аляксандр Рагачук.

Паводле яго слоў, мясцовыя ўлады накіраваны на тое, што ў гэтай пяцігодцы колькасць электробусаў на гарадскіх маршрутах будзе пастаянна расці.

Выбар рэдакцыі

Грамадства

Якую небяспеку нясе экспрэс-дыета?

Якую небяспеку нясе экспрэс-дыета?

 Варта разумець, што дыеты такога тыпу — радыкальны метад, які мае шмат мінусаў.

Культура

Рэстаўрацыя па-беларуску: ратаваць — неабходна

Рэстаўрацыя па-беларуску: ратаваць — неабходна

Гістарычная памяць — тое, што вызначае будучыню... Здаецца, банальная ісціна, якую не трэба нікому даказваць.