Вы тут

Дзве птушкафабрыкі Гродзеншчыны сталі самымі прадукцыйнымі ў краіне


Па выніках мінулага года ў пяцёрцы лепшых па аб’ёмах вытворчасці яек і мяса птушкі сталі ТАА «БелЯрШпехт» Гродзенскага раёна і ААТ «Бераставіцкая птушкафабрыка».


pixabay.com

Прадпрыемствы цалкам пакрываюць усе патрэбы насельніцтва рэгіёну, а таксама маюць важкі працэнт у рэспубліканскім аб’ёме.

Па словах Сяргея ГОРНАГА, намесніка начальніка ўпраўлення жывёлагадоўлі і племянной справы аблсяльгасхарча, на Гродзеншчыне 13 птушкагадоўчых арганізацый вырабляюць 13% курыных яек і 11% мяса птушкі ад аб’ёму ўсёй краіны. Па выніках мінулага года яны перавысілі сярэднерэспубліканскія паказчыкі па яйканоскасьці нясушак і сярэднясутачным прыбаўленні куранят-бройлераў.

Так, прадпрыемствам з Гродзенскага раёна было павялічана пагалоўе птушкі, што дазволіла ў бягучым перыядзе ТАА «БелЯрШпехт» атрымаць 159 мільёнаў курыных яек, павялічыўшы вытворчасць на 129% да ўзроўню 2019 года. Прычым, сярэдняя нясушка за год знесла 321 яйка.

У сваю чаргу ААТ «Бераставіцкая птушкафабрыка» у гэты перыяд атрымала 39,5 мільёна яек, у выніку чаго прырост вытворчасці саставіў 102%.

Такім чынам, галоўнай задачай у аблсяльгасхарчы называюць захаванне занятых пазіцый, дзякуючы якім можна падняць эканоміку галіны. У планах у прадпрыемстваў Гродзеншчыны павелічэнне пагалоўя птушак, а таксама мадэрнізацыя тэхнічнай базы і рэканструкцыя памяшканняў.

Напрыклад, каб павялічыць вытворчасць мяса на паўтары-дзве тоны ў год, на Смаргонскай птушкафабрыцы плануецца ўстаноўка дадатковых птушнікаў. Яны размесцяцца на ўжо існуючай пляцоўцы.

Дарэчы, на аб’ёмы вытворчасці птушкагадоўчай прадукцыі значна паўплывала Праграма развіцця птушкагадоўлі ў Рэспубліцы Беларусь у 2011-2015. Згодна з ёй гэтыя прадпрыемствы былі ўдасканалены, што дазволіла атрымліваць у некалькі разоў большыя аб’ёмы яек і мяса птушкі.

Аліса СКІБА

Выбар рэдакцыі

Калейдаскоп

Тэст. Блізка да зор: беларусы і космас

Тэст. Блізка да зор: беларусы і космас

12 красавіка спаўняецца 60 гадоў першаму палёту чалавека ў космас.

Калейдаскоп

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. На гэтым тыдні давядзецца сабрацца — ад вас спатрэбяцца стойкасць і цярпенне.

Культура

Адзін з самых жорсткіх канцлагераў ХХ стагоддзя знаходзіўся ў 1930-я ў Бярозе-Картузскай

Адзін з самых жорсткіх канцлагераў ХХ стагоддзя знаходзіўся ў 1930-я ў Бярозе-Картузскай

Абеліск у памяць пра вязняў канцлагера стаіць крыху наводдаль.

Грамадства

Як засцерагчы сябе ад нітратаў?

Як засцерагчы сябе ад нітратаў?

Медыкі раяць налягаць на вясновую зеляніну.