Вы тут

Студэнцкі аналітычны клуб адкрыецца ў БДУ


Ініцыятыва накіравана на фарміраванне прафесійнай супольнасці аналітыкаў з ліку студэнтаў і магістрантаў, а таксама стварэнне ўмоў для самарэалізацыі моладзі ў галіне інфармацыйна-аналітычнай работы.


У клубе будуць развівацца два кірункі. Адзін з іх, адукацыйны, арыентаваны на падрыхтоўку студэнтаў у галіне даследаванняў і вывучэння актуальных сацыяльна значных праблем. Для членаў клуба падрыхтаваны шасцітыднёвы курс лекцый і семінараў па складанні аналітычных запісак, справаздач і інфармацыйных маніторынгаў. Таксама студэнты будуць вывучаць метады збору, аналізу і апрацоўкі даных. Завершыцца навучанне распрацоўкай індывідуальнага аналітычнага праекта. Напрыклад, гэта могуць быць прапановы па карэкціроўцы работы структур, маладзёжных арганізацый БДУ на аснове аналізу адкрытых даных, грамадскай думкі і замежнага вопыту.

Практычны кірунак прадугледжвае прыцягненне членаў клуба да сумеснай выпрацоўкі сістэмных і навукова абгрунтаваных рашэнняў задач, якія датычацца адміністрацыйнай, адукацыйнай, навуковай і іншай дзейнасці.

Таксама клуб будзе выступаць дыскусійнай пляцоўкай з прыцягненнем знешніх экспертаў для абмеркавання актуальных пытанняў сацыяльна-эканамічнага, палітычнага і грамадскага жыцця.

Набор у аналітычны клуб плануюць праводзіць раз у год. Ініцыятарам яго стварэння выступіла ўпраўленне экспертнай і аналітычнай работы БДУ.

Надзея НІКАЛАЕВА

Загаловак у газеце: Майстэрства аналітыкі

Выбар рэдакцыі

Грамадства

Што рабіць нашым хатнім гадаванцам, у якіх таксама бываюць дэпрэсіі?

Што рабіць нашым хатнім гадаванцам, у якіх таксама бываюць дэпрэсіі?

Адказ на гэтыя і іншыя пытанні ведае наша гераіня.

Грамадства

Ад стагоддзя да стагоддзя. «Чырвонка. Чырвоная змена» святкуе свой стагадовы юбілей

Ад стагоддзя да стагоддзя. «Чырвонка. Чырвоная змена» святкуе свой стагадовы юбілей

Якой сёння павінна быць маладзёжная газета? Пра што і як размаўляць з моладдзю?

Грамадства

«Верагоднасць угадвання на ЦТ зніжаецца»

«Верагоднасць угадвання на ЦТ зніжаецца»

15 новых спецыяльнасцяў, у тым ліку чатыры абсалютна новыя, па якіх падрыхтоўка раней нідзе не вялася, адкрыюцца сёлета ў беларускіх ВНУ.