Вы тут

Адкрыты ўрок для будучых будаўнікоў правялі на будпляцоўцы ў Гомелі


У Гомелі на будпляцоўцы новага корпуса бальніцы хуткай медыцынскай дапамогі правялі адкрыты ўрок для будучых будаўнікоў.


Сёння ў абласным цэнтры работы па ўзвядзенні гэтага сацыяльна значнага аб’екта вядуцца ў кругласутачным рэжыме. Прынамсі, расчышчаць пляцоўку для будоўлі новага корпусу ўстановы аховы здароўя пачалі летась, у лістападзе. У цяперашні час гатовы нулявы паверх, працягваецца пракладка інжынерных сетак. Паглядзець на работу прафесіяналаў на аб’ект прыйшла будучая змена — навучэнцы Гомельскага дзяржаўнага дарожна-будаўнічага каледжа імя Ленінскага камсамола Беларусі. Яны засвойвалі практыку бетанавання, вязкі арматуры і ўстаноўкі апалубкі.

— Такі фармат работы з навучэнцамі будаўнічай галіны стаў для нас ужо традыцыйным. Раней выязныя заняткі праводзілі раз у тры тыдні. Летась з-за пандэміі гэтую практыку прыпынілі, але зараз аднаўляем, — адзначыў намеснік генеральнага дырэктара ААТ «Будаўнічы трэст № 14» Дзмітрый Мурашка. Увогуле прадпрыемства імкнецца стала праводзіць практыкаарыентаваную работу з навучэнцамі ўстаноў адукацыі, якія рыхтуюць будучых будаўнікоў. У адкрытым уроку на будпляцоўцы новага корпуса бальніцы хуткай медыцынскай дапамогі бралі ўдзел 20 навучэнцаў дарожна-будаўнічага каледжа. Такія заняткі, упэўненыя спецыялісты, спрыяюць умацаванню тэарэтычных ведаў і павышэнню якасці адукацыі.

— Вядома, практыка для нас мае вялікае значэнне, — падзяліўся другакурснік, навучэнец каледжа па спецыяльнасці «Прамысловае і грамадзянскае будаўніцтва» Яўген Сняжкоў — Перш чым трапілі на аб’ект, мы прайшлі інструктаж, атрымалі каскі, з усім азнаёміліся. Лічу, што гэта выдатная пляцоўка для навучання. 

Між тым, будучы корпус бальніцы хуткай медыцынскай дапамогі ў Гомелі пасля ўзвядзення будзе ўяўляць сабой будынак папераменнай паверхавасці. У ім размесцяцца прыёмна-дыягнастычнае аддзяленне, а таксама аддзяленні анестэзіялогіі і рэанімацыі, уралогіі. Новы корпус бальніцы з дзеючым злучыць пераходная галерэя.

Наталля КАПРЫЛЕНКА

Фота аўтара

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.