Вы тут

Прадстаўнікі Адміністрацыі Прэзідэнта праводзяць сустрэчы з працоўнымі калектывам


На гэтым тыдні прадстаўнікі Адміністрацыі Прэзідэнта праводзяць сустрэчы з працоўнымі калектывамі і асабістыя прыёмы работнікаў прадпрыемстваў. Якія пытанні ўзнімаюць людзі падчас гэтых прыёмаў?


Фота: БелТА.

Памочнік Прэзідэнта — інспектар па Магілёўскай вобласці Леанід Мартынюк сустракаўся з работнікамі ААТ «Ольса» ў Магілёве. Большая частка пытанняў датычылася бытавых праблем. У прыватнасці, праблемы транспартных зносін закранула супрацоўніца ААТ «Ольса» Алена Пруднікава. Жанчына падзялілася яшчэ адной праблемай: адсутнасць дзіцячых пляцовак у іх раёне. Вольга Іганава звярнулася на асабісты прыём з пытаннем аб магчымай прыватызацыі жылога блока ў інтэрнаце. Леанід Мартынюк даручыў дэталёва разабрацца па кожным звароце.

Акрамя правядзення асабістага прыёму грамадзян, Леанід Мартынюк азнаёміўся з работай прадпрыемства. У адным з цэхаў ён сустрэўся з работнікамі завода — тут адбылося абмеркаванне вынікаў VІ Усебеларускага народнага сходу. «Любыя зносіны даюць станоўчы вынік. Сённяшняя сустрэча з калектывам паказала, што людзі інфармаваныя. Яны ведаюць, пра што гаварылі на УНС, які мы абмяркоўвалі. Яны ўжо зрабілі свае высновы, ацанілі пасылы форуму, — адзначыў Леанід Мартынюк. — Безумоўна, задача ўлады, чыноўніка любога рангу — выслухаць людзей. І калі ёсць якая-небудзь праблема, то прыняць рашэнне і пастарацца зрабіць людзям камфортнейшае жыццё».

А памочнік Прэзідэнта — інспектар па горадзе Мінску Аляксандр Барсукоў правёў асабісты прыём грамадзян у ТАА «Мотавелазавод». Гучалі пытанні паляпшэння жыллёвых умоў сем'яў, прыборкі пад'ездаў, работы ўстаноў аховы здароўя, развіцця веларуху ў краіне.

Кладаўшчык 4-га разраду Ірына Радзюк пацікавілася, чаму шматдзетнай сям'і яе сына не даюць магчымасці выкарыстоўваць сямейны капітал (на трэцяе дзіця) на куплю жылля на другасным рынку. А гэта для сына адзіная магчымасць: у чарзе маючых патрэбу сям'я не знаходзіцца, паколькі сукупнай плошчы ў Мінску ў блізкіх сваякоў хапае. Аляксандр Барсукоў прапанаваў варыянт пастаноўкі ў чаргу маючых патрэбу: «Калі на законных падставах можна будзе нешта зрабіць, паспрабуем».

Выконваючы абавязкі начальніка аддзела рознічнага гандлю завода Яўген Карабейнік пацікавіўся, якія перспектывы для веларуху ў краіне. На яго думку, патрэбна нацыянальная праграма развіцця веласіпеднай інфраструктуры, неабходна дакладная і адзіная рэгламентацыя, як, дзе і што рабіць. Ён перадаў падрыхтаваную прэзентацыю з прапановамі для вывучэння. Яго кандыдатуру прапануюць для ўключэння ў Савет па развіцці веларуху пры Міністэрстве спорту і турызму.

Памочнік Прэзідэнта не першы раз наведвае гэтае прадпрыемства. Аляксандр Барсукоў пасля прыёму запэўніў, што па кожным звароце будуць прыняты меры, ні адзін не застанецца па-за ўвагай. Але ёсць і тэмы, якія можна вырашыць толькі на ўзроўні кіраўніка дзяржавы, усе яны гучалі на нарадзе ў Прэзідэнта. Неабходна падтрымаць брэнд мотавелазавода, для гэтага патрэбныя не толькі рэклама і менеджмент, але і ўдасканаленне якасці прадукцыі і цэнаўтварэння. Аднак перш за ўсё трэба будзе вырашыць пытанне больш эфектыўнага выкарыстання пустых плошчаў завода. «Мы дапрацоўваем некаторыя моманты, якія датычацца развіцця гэтага прадпрыемства, і будзем прапаноўваць кіраўніку дзяржавы нейкія рашэнні», — сказаў на заканчэнне Аляксандр Барсукоў.

Паводле БелТА

На гэтым тыдні работа супрацоўнікаў Адміністрацыі Прэзідэнта на прадпрыемствах працягнецца. 4 сакавіка намеснік кіраўніка Адміністрацыі Прэзідэнта Дзмітрый Мікалаевіч КРУТОЙ правядзе сустрэчу і асабісты прыём грамадзян на ААТ «Гомсельмаш» у Гомелі; памочнік Прэзідэнта — інспектар па Брэсцкай вобласці Валерый Паўлавіч ВАКУЛЬЧЫК — на ААТ «Івацэвічдрэў» у горадзе Івацэвічы, а памочнік Прэзідэнта — інспектар па Магілёўскай вобласці Леанід Аляксеевіч МАРТЫНЮК — у філіяле «Ялізава» ААТ «Гродзенскі шклозавод» у Асіповіцкім раёне.

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.