Мерапрыемства прымеркавана да 100-годдзя ўніверсітэта. Да ўдзелу запрашаюцца беларускія школьнікі ва ўзросце ад 8 да 16 гадоў, якія могуць выступаць індывідуальна або калектыўна.
Конкурс пройдзе ў трох намінацыях: «Публікацыя», «Відэа- і аудыёсюжэт» і «Блог». Прымаюцца работы, прысвечаныя памятным і гістарычным мясцінам Беларусі, жыхарам рэгіёна і іншым актуальным падзеям. Гэта могуць быць матэрыялы рознага жанру: рэпартажы, інтэрв'ю, публіцыстычныя эсэ, аўтарскія перадачы. Удзельнічаць можна адначасова ў трох катэгорыях.
Творчыя работы, кароткую біяграфію і фота ўдзельніка неабходна выслаць да 3 мая на паштовы адрас: 220004, г. Мінск, вул. Кальварыйская, 9 з пазнакай «Юны карэспандэнт».
Імёны пераможцаў назавуць 15 мая.
Арганізатарам мерапрыемства выступае факультэт журналістыкі БДУ пры ўдзеле міністэрстваў інфармацыі, адукацыі, грамадскага аб'яднання «Беларускі саюз журналістаў», рэспубліканскіх і рэгіянальных СМІ.
Надзея НІКАЛАЕВА
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
«Мы зацікаўлены, каб да нас прыязджалі».