Лаўрэатаў абласнога этапу рэспубліканскага конкурсу «Жанчына года» ўшанавалі ў Віцебску

Ганаровую цырымонію з канцэртнымі нумарамі правялі ў Віцебскай абласной філармоніі.

Трыццаць жанчын Прыдзвіння адзначылі ў шасці намінацыях: «Мацярынская слава», «Сэрца аддаю людзям», «Гаспадыня вёскі», «Паспяховы кіраўнік», «Актыўная жыццёвая пазіцыя», «Духоўнасць і культура». Шэсць пераможцаў возьмуць удзел у фінале конкурсу ў сталіцы краіны.

Старшыня Віцебскага абласнога Савета дэпутатаў Уладзімір Цярэнцьеў у віншавальных словах сярод іншага падкрэсліў важную ролю жанчын у сучасным грамадстве. Канстатаваў, што ўжо норма, калі прадстаўніцы прыгожай паловы чалавецтва кіруюць установамі адукацыі, культуры, сацыяльнай сферы, аховы здароўя і гэтак далей. І ў многіх жанчын мужчыны могуць павучыцца прафесіяналізму.

Аляксандр ПУКШАНСКІ

Прэв’ю: kaluga24.tv