Вы тут

Аўраменка: План па жыллёвым будаўніцтве ў гэтым годзе можа быць перавыкананы


План па жыллёвым будаўніцтве ў гэтым годзе можа быць перавыкананы. Аб гэтым паведаміў начальнік упраўлення жыллёвай палітыкі Міністэрства архітэктуры і будаўніцтва Аляксандр Аўраменка, перадае БЕЛТА.


Фота Анатоля Клешчука.

«План на 2020 год па агульным уводзе жылля быў 4 млн кв. м, фактычна ўведзена 4,156 млн кв. м. Што датычыцца ўводу жылля з дзяржаўнай падтрымкай у 2020 годзе, то план быў пабудаваць 984 тыс. кв. м, а пабудавана — 1,306 млн кв. м. Мы разумеем, што кожны дадатковы квадратны метр, пабудаваны да разліковага плана, — гэта толькі карысць для нашых грамадзян. У 2021 годзе мы таксама ўзялі план 4 млн кв. м агульнага ўводу і 1 млн — з дзяржпадтрымкай. Усе нашы арганізацыі падрыхтаваны да будаўніцтва, таму спадзяёмся, што і ў гэтым годзе мы таксама перавыканаем гэты план», — адзначыў начальнік упраўлення.

Паводле яго інфармацыі, кошт 1 кв. м жылля, пабудаванага з дзяржаўнай падтрымкай у 2020 годзе, склаў Br1053. «У нас была задача, каб кошт 1 кв. м складаў не больш за Br1 082, паказчык выкананы, кошт 1 кв. м быў не вышэйшы, чым сярэдняя заработная плата. У планах на 2021 год — Br1 152 за 1 кв. м», — паведаміў Аляксандр Аўраменка.

Таксама прадстаўнік Мінбудархітэктуры расказаў аб плануемых новаўвядзеннях у жыллёвым будаўніцтве. «Не сакрэт, што грамадзяне, якія знаходзяцца на ўліку маючых патрэбу, напрыклад, у буйных населеных пунктах, такіх як Мінск ці ў абласных цэнтрах, могуць стаяць на такім уліку даволі працяглы час. Напрыклад, у Мінску людзі стаяць і дзесяцігоддзямі, а то і больш. Для таго, каб яны маглі рэалізаваць сваё права на жыллё, рыхтуюцца адпаведныя праекты нарматыўна-прававых актаў, цяпер яны праходзяць узгадненне. Яны прадугледжваюць, што калі нехта стаіць пэўную колькасць гадоў на ўліку маючых патрэбу, напрыклад, у Мінску і бачыць, што ён можа пабудаваць жыллё ў Брэсцкай або іншай вобласці, то можна падаць заяўку, і там будзе будавацца жыллё з улікам колькасці такіх заявак, гэта значыць вобласць будзе вызначаць у доме нейкі працэнт кватэр для такіх людзей», — растлумачыў ён.

Выбар рэдакцыі

Грамадства

Што рабіць нашым хатнім гадаванцам, у якіх таксама бываюць дэпрэсіі?

Што рабіць нашым хатнім гадаванцам, у якіх таксама бываюць дэпрэсіі?

Адказ на гэтыя і іншыя пытанні ведае наша гераіня.

Грамадства

Ад стагоддзя да стагоддзя. «Чырвонка. Чырвоная змена» святкуе свой стагадовы юбілей

Ад стагоддзя да стагоддзя. «Чырвонка. Чырвоная змена» святкуе свой стагадовы юбілей

Якой сёння павінна быць маладзёжная газета? Пра што і як размаўляць з моладдзю?

Грамадства

«Верагоднасць угадвання на ЦТ зніжаецца»

«Верагоднасць угадвання на ЦТ зніжаецца»

15 новых спецыяльнасцяў, у тым ліку чатыры абсалютна новыя, па якіх падрыхтоўка раней нідзе не вялася, адкрыюцца сёлета ў беларускіх ВНУ.