Вы тут

Дзяржаўная палітыка дала магчымасць Беларусі ўвайсці ў спіс сусветных лідараў у галіне ўстойлівага развіцця


Існуючая дзяржаўная палітыка дала магчымасць Беларусі ўвайсці ў спіс сусветных лідараў у галіне ўстойлівага развіцця.​ Намеснік старшыні Савета Рэспублікі, нацыянальны каардынатар па дасягненні Мэт устойлівага развіцця Анатоль Ісачанка правёў беларуска-венгерскія кансультацыі па тэматыцы МУР з кіраўніцтвам Дзяржаўнага сакратарыята Міністэрства інавацый і тэхналогій Венгрыі і офісам нацыянальнага каардынатара МУР Венгрыі.


Падчас сустрэчы бакі абмеркавалі актуальныя пытанні рэалізацыі Парадку дня ў галіне ўстойлівага развіцця да 2030 года, у тым ліку стан і перспектывы двухбаковага ўзаемадзеяння па лініі МУР, паведамілі ў прэс-службе верхняй палаты парламента.

«Палітыка, якая рэалізуецца ў Беларусі, і абраны нашым народам чвэрць стагоддзя таму курс, накіраваны на пабудову моцнай дзяржавы, у аснове якога знаходзяцца ў першую чаргу інтарэсы чалавека, дазваляюць сёння займаць Рэспубліцы Беларусь 18-е месца ў глабальным рэйтынгу Мэт устойлівага развіцця», — канстатаваў нацыянальны каардынатар Беларусі.

Ён таксама падкрэсліў, што прынятыя на VІ Усебеларускім народным сходзе прыярытэты на наступныя пяць гадоў адпавядаюць глабальнаму Парадку дня да 2030 года, які рэалізуецца, і яшчэ раз падкрэсліваюць прыхільнасць Беларусі да ключавых прынцыпаў устойлівага развіцця.

У сваю чаргу, венгерскі бок акрэсліў пазітыўны вопыт Беларусі ў дасягненні МУР на рэгіянальным узроўні. Было таксама адзначана, што ў нашай краіне створана і паспяхова функцыянуе нацыянальная архітэктура кіравання працэсамі ўстойлівага развіцця.

«Мы гатовыя і ў далейшым выбудоўваць дыялог на аднолькавых правах з нашымі замежнымі партнёрамі, але ў аснове гэтай камунікацыі павінна быць павага да беларускага народа, да яго права на самавызначэнне, да нашай гісторыі, традыцый і культуры», — падкрэсліў Анатоль Ісачанка.

Загаловак у газеце: 18-я ў рэйтынгу

Выбар рэдакцыі

Калейдаскоп

Тэст. Блізка да зор: беларусы і космас

Тэст. Блізка да зор: беларусы і космас

12 красавіка спаўняецца 60 гадоў першаму палёту чалавека ў космас.

Калейдаскоп

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. На гэтым тыдні давядзецца сабрацца — ад вас спатрэбяцца стойкасць і цярпенне.

Культура

Адзін з самых жорсткіх канцлагераў ХХ стагоддзя знаходзіўся ў 1930-я ў Бярозе-Картузскай

Адзін з самых жорсткіх канцлагераў ХХ стагоддзя знаходзіўся ў 1930-я ў Бярозе-Картузскай

Абеліск у памяць пра вязняў канцлагера стаіць крыху наводдаль.

Грамадства

Як засцерагчы сябе ад нітратаў?

Як засцерагчы сябе ад нітратаў?

Медыкі раяць налягаць на вясновую зеляніну.