Вы тут

Традыцыйны кірмаш рамеснікаў «Казюкі» пройдзе ў Гродне ў гэты ўік-энд


Адкрыццё гандлёвай пляцоўкі запланавана на 6 сакавіка, у суботу. На ёй будуць выстаўлены для агляду і продажу вырабы майстроў з усёй Беларусі і з-за мяжы.


Гандлёвыя рады размесцяцца ў звычайным для гэтага месцы — «сэрцы» Гродна — на плошчы Савецкай і аднайменнай пешаходнай вуліцы. Урачыстае адкрыццё кірмашу запланавана на 12:30.

Гандаль разгорнецца раніцай і працягнецца да самага вечара. На кірмашы можна будзе набыць вырабы ручной работы з гліны, скуры, дрэва, металу, саломкі. Прадставяць свае творы і мастакі.

Акрамя выставы-продажу на «Казюках» пройдуць майстар-класы, у якіх змогуць паўдзельнічаць усе ахвотныя. На гэты раз кавалі з Гродна прадэманструюць майстэрства стварэння падковы. Дарэчы, падкова, а дакладней, вароты ў выглядзе яе, — элемент аднаго з адроджаных абрадаў традыцыйнага кірмашу.

Паколькі сёлета гэта першая падобная падзея, было атрымана амаль 140 заявак ад рамеснікаў, якія жадаюць прадставіць свае тавары на «Казюках».

У Гродзенскім гарвыканкаме распавялі, што чакаюцца ўдзельнікі не толькі з Гродна, але і з іншых рэгіёнаў Беларусі, а таксама з Украіны.

Нагадаем, што кірмаш рамеснікаў «Казюкі» праходзіць традыцыйна ў Гродне на працягу многіх гадоў. Гэта адна з самых значных падзей у культурным жыцці горада.

Кожны год яна нагадвае аб дзейнасці святога Казіміра, унука Ягайлы і сына вялікага князя літоўскага і караля польскага Казіміра IV. Ён з'яўляўся апекуном моладзі, майстроў і рамеснікаў. У Літве таксама шырока святкуюць «Казюкі» (Kaziukas), дзе традыцыйна прадаюцца пернікі з урыўкамі з Евангелля і галінкі вярбы — «казіміркі», якія з гэтай нагоды адмыслова афармляюцца.

Аліса СКІБА

Як праходзіў кірмаш раней можна прачытаць на сайце:

Выбар рэдакцыі

Грамадства

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Да канца года ў краіне павінны ліквідаваць усе міні-палігоны для адходаў.

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.