Вы тут

Салавей: Міжнародны жаночы дзень — гімн жаночай прыгажосці, абнаўленню жыцця, аптымізму


Ва ўрачыстым мерапрыемстве з нагоды Дня жанчын прыняў удзел старшыня Гомельскага аблвыканкама Генадзь Салавей.


У сваім звароце да жаночай грамадскасці Гомельшчыны кіраўнік рэгіёну азначыў, што Міжнародны жаночы дзень — гімн жаночай прыгажосці, абнаўленню жыцця, аптымізму і сапраўднага свята усмешак і кветак.

— Сучасная жанчына шматгранная і таленавітая ва ўсім. Яна дзіўным чынам спалучае ў сабе клапатлівую маму, захавальніцу ачагу, незаменнага работніка. Наша дзяржава будзе і далей стаяць на варце традыцыйных сямейных каштоўнасцяў, мацярынства і дзяцінства, здаровай сям’і, — падкрэсліў Генадзь Салавей.

У Гомельскай вобласці 1618 жанчын ўдастоены знакавай ўзнагароды — ордэны Маці. На Гомельшчыне сёння амаль 18 з паловай тысяч шматдзетных сем’яў. На пачатак бягучага года ў вобласці адкрыта звыш 15 тысяч дэпазітаў на сямейны капітал. Са студзеня 2020 года, калі пашырыліся магчымасці датэрміновага выкарыстання гэтых сродкаў, у вобласці прынята 4412 рашэнняў аб датэрміновым выкарыстанні дэпазітаў. З іх каля 90% — на паляпшэнне жыллёвых умоў. Летась у рэгіёне 2,2 тысячы шматдзетных сем’яў пабудавалі новае жыллё. Матэрыяльную дапамогу да новага навучальнага года на больш як 2 мільёны рублёў атрымалі 34 з паловай тысячы школьнікаў са шматдзетных сем’яў. Звыш трох тысяч дзяцей да двух гадоў былі забяспечаны бясплатным харчаваннем на 956 рублёў кожны.

— Мы і далей будзем рабіць усё, каб у Гомельскай вобласці, у краіне ў цэлым было як мага больш вялікіх, дружных сем’яў. У бліжэйшыя гады ў рэгіёне пабудуюць новыя дзіцячыя сады і школы, медыцынскія, спартыўныя і культурныя цэнтры, працягнецца добраўпарадкаванне ў населеных пунктах, — звярнуў увагу старшыня аблвыканкама Генадзь Салавей.

Наталля КАПРЫЛЕНКА

Фота БелТА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».