Прэзідэнт Беларусі Аляксандр Лукашэнка павіншаваў работнікаў і ветэранаў Дэпартамента па ліквідацыі наступстваў катастрофы на Чарнобыльскай АЭС з 30-годдзем з дня яго стварэння. Пра гэта паведамілі ў прэс-службе кіраўніка дзяржавы.
Аляксандр Лукашэнка адзначыў, што ад найбуйнейшай тэхнагеннай аварыі ў гісторыі чалавецтва Беларусь пацярпела больш за ўсіх. Але за гэтыя гады праведзена каласальная работа: тэрыторыі абеззаражана, людзі пераселеныя з небяспечнай зоны, забяспечаны жыллём, працай і медыцынскім абслугоўваннем.
«Для гэтых мэтаў сфармаваная заканадаўчая база, утвораны навукова-даследчыя і лячэбныя ўстановы, наладжана міжнароднае супрацоўніцтва. Дзясяткі тысяч дзяцей змаглі атрымаць кваліфікаваную медыцынскую дапамогу ў створаных рэабілітацыйна-аздараўленчых цэнтрах», — гаворыцца ў віншаванні.
Паводле слоў Аляксандра Лукашэнкі, эфектыўная рэалізацыя дзяржаўных праграм па пераадоленню наступстваў чарнобыльскай аварыі дазволіла адрадзіць эканоміку пацярпелых рэгіёнаў.
«Дасягнутыя вынікі — бясспрэчная заслуга ўсяго вашага калектыву — людзей, шчыра адданых сваёй справе. Каб цалкам аднавіць гэтыя землі, трэба будзе яшчэ шмат чаго зрабіць. Упэўнены, вы справіцеся і з гэтай задачай», — падкрэсліў Прэзідэнт.
Прэв’ю: БелТА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».