Першая партыя бензіну з Беларусі паступіла ў порт Усць-Луга ў Ленінградскай вобласці РФ. Як адзначылі ў прэс-службе абласнога ўрада, дадзеныя пастаўкі будуць весціся ў рамках міжурадавага пагаднення дзвюх краін, паведамляе ТАСС.
Вядома, што тэрмінал «Портэнерга» марскога гандлёвага порта ў Усць-Лузе ужо пачаў назапашваць карабельную партыю бензіну, дастаўленага з Беларусі. Адпраўнік — Мазырскі нафтаперапрацоўчы завод.
— Першы маршрут прывёз каля трох з паловай тысяч тон паліва, да канца дня чакаецца яшчэ адзін, — распавялі ў прэс-службе ўрада Ленінградскай вобласці.
Паліва даставілі хутчэй, чым чакалася па графіку. Першапачаткова меркавалася, што маршруты прыйдуць толькі 9 сакавіка.
Пастаўкі пачаты ў рамках падпісанага 19 лютага беларускім і расійскім бакамі міжурадавага пагаднення аб арганізацыі перавалкі беларускіх нафтапрадуктаў праз марскія парты РФ. Дакументам прадугледжана перавалка больш за 9,8 млн тон грузаў (мазуту, бензіну, газойлю, алею) у 2021-2023 гг. Порт у Усць-Лузе з’яўляецца асноўнай кропкай дастаўкі светлых нафтапрадуктаў.
— Вобласць пацвярджае статус аднаго з асноўных эканамічных партнёраў Беларусі. Нашы партовыя магутнасці цалкам гатовыя да далейшага прыёму беларускага нафтавага транзіту, — цытуе прэс-служба губернатара Ленінградскай вобласці Аляксандра Драздзенка.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
