Супрацоўнікі наркакантролю Партызанскага РУУС Мінска затрымалі на месцы злачынства маладых людзей, якія займаліся распаўсюджваннем наркотыкаў на тэрыторыі сталіцы і Мінскай вобласці, паведамляе МУС.
Паводле аператыўнай інфармацыі, двое студэнтаў сталічных устаноў адукацыі каля месяца працавалі закладнікамі ў інтэрнэт-краме па продажы наркотыкаў. Забіраючы буйныя партыі забароненых рэчываў, хлопцы размяшчалі ў схованках расфасаваныя скруткі з псіхатропамі.
- Пры сабе ў 18-гадовага мінчука аператыўнікі выявілі 40 скруткаў, у кожным з якіх знаходзіўся палімерны пакецік з белым парашкападобным рэчывам. У другога збытчыка пры сабе было выяўлена 30 скруткаў, у кожным з якіх знаходзіўся пакуначак з парашкападобным рэчывам блакітнага колеру, – паведамляе МУС.
Эксперты высветлілі, што ўнутры пакуначкаў аказалася асабліва небяспечнае псіхатропнае рэчыва альфа-PVP агульнай масай больш за 70 грамаў.
Матэрыялы праверкі перададзеныя ў Мінскі РАСК Рэспублікі Беларусь, дзе дзеянням маладых людзей дадзена прававая ацэнка.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.