Вы тут

Акцыя «Дзень бяспекі. Увага ўсім!» праходзіць у Брэсце


Як паведамілі ў Брэсцкім абласным упраўленні МНС, у абласным цэнтры сёння праходзіць акцыя, накіраваная на папярэджанне пажараў і гібелі людзей, а таксама на навучанне насельніцтва дзеянням па сігнале «Увага ўсім!».


Работнікі сектара прапаганды і ўзаемадзеяння з грамадскасцю Брэсцкага гарадскога аддзела па надзвычайных сітуацыях наведалі гандлёвы цэнтр «Буслік» і пагаварылі пра бяспеку з дарослымі і дзецьмі.

Размова ішла пра вытрымліванне правілаў пажарнай бяспекі ўсюды і заўсёды. Работнікі службы МНС расказвалі аб надзвычайных здарэннях, у якіх пацярпелі дзеці. Напрыклад, летась у Брэсце адбылося тры пажары па прычыне дзіцячага свавольства з агнём. Каб гэтага не дапусціць, бацькі павінны строга захоўваць правілы бяспекі: не пакідаць дзяцей без нагляду, хаваць ад малых запалкі ды запальнічкі, пастаянна гаварыць з імі пра бяспеку. Варта навучыць дзяцей, як правільна дзейнічаць ў экстрэмальнай сітуацыі.

Гутарка атрымалася жывой і зацікаўленай, бацькі малых пакупнікоў задавалі пытанні, дзяліліся асабістым досведам і назіраннямі, выказвалі прапановы. Усе ахвотныя атрымалі буклеты і памяткі пра бяспеку жыццядзейнасці.

Святлана ЯСКЕВІЧ

Фота з сайта абласнога ўпраўлення МНС

 

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.