З 9 сакавіка ў адпаведнасці з рашэннем Міністра абароны Беларусі праводзіцца другі этап комплекснай праверкі гатоўнасці і здольнасці злучэнняў і воінскіх часцей Узброеных Сіл выканаць задачы па прызначэнні, паведаміла прэс-служба ваеннага ведамства.
Да праверкі прыцягваюцца органы ваеннага кіравання аператыўнага і тактычнага узроўняў, а таксама вайсковыя часткі.
- У рамках праверкі будзе ажыццяўляцца пастаўка мабілізацыйных рэсурсаў з ваенных камісарыятаў, камплектаванне ваеннай і спецыяльнай тэхнікай за кошт зняцця транспартных сродкаў, якія знаходзяцца на працяглым захоўванні і атрымліваюцца з дзяржаўных органаў і арганізацый, атрыманне матэрыяльных сродкаў са складоў і баз захоўвання. Плануецца прызваць з запасу каля 1000 чалавек, – адзначылі ў Міністэрстве абароны.
У ведамстве таксама паведамілі, што праверка дазволіць вызначыць узровень зладжанасці органаў кіравання, здольнасць камандзіраў кіраваць падначаленымі воінскімі часцямі і падраздзяленнямі ў розных умовах абстаноўкі, а таксама здольнасць падраздзяленняў выконваць пастаўленыя задачы ў складаных умовах абстаноўкі.
Завершыцца праверка правядзеннем тактычных вучэнняў.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.