Міністр лясной гаспадаркі Віталь Дрожжа арыентуе лясгасы на безадходную вытворчасць. Аб гэтым ён заявіў у час пашыранага пасяджэння калегіі Гомельскага дзяржаўнага вытворчага лесагаспадарчага аб’яднання (ГВЛГА), паведамілі БЕЛТА ў прэс-службе Мінлясгаса.
Паводле слоў міністра, развіццё, якое за апошнія гады атрымала дрэваапрацоўка ў краіне, прымусіла звярнуць увагу на тыя рэсурсы, якія былі раней не запатрабаваны. «З сыравіннай краіны мы ператварыліся ў перапрацоўчую. Гэта вынік вялікай работы, якая праводзілася ў краіне на працягу апошніх гадоў. Павышаны попыт на драўніну прывёў і да росту яе кошту: па цэнах мы сёння параўнальныя з Польшчай, краінамі Балтыі. Гэта павышае адказнасць лясгасаў як прадаўцоў. Мы павінны дакладна адсочваць выкананне дагавораў і якасна выконваць узятыя на сябе абавязацельствы па пастаўках рэсурсаў», — адзначыў Віталь Дрожжа.
Кіраўнік Мінлясгаса таксама дадаў, што адна з ключавых задач — перафармаціраванне цэхаў лясгасаў. «Мы бясспрэчна звужаемся ў частцы сыравіны. І ўжо сёння павінны разумець, якія рэсурсы зможам перапрацоўваць заўтра. Наша задача — забяспечыць занятасць людзей у невялікіх гарадах і сельскай мясцовасці, даць ім добрую заработную плату. Пры гэтым заробленыя сродкі павінны даваць магчымасць і ў далейшым інвесціраваць у вытворчасць», — падкрэсліў міністр.
Кіраўнік галіны таксама акцэнтаваў увагу, што адказнасць за ўсю работу ў лесе, пачынаючы ад стварэння лясных культур і заканчваючы нарыхтоўкай рэсурсу, ляжыць перш за ўсё на ляснічых.
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.
