Вы тут

​Стартап-цэнтр БДУ прыняў першых рэзідэнтаў


Ён акажа падтрымку васьмі маладзёжным бізнес-праектам. У іх лік увайшлі ініцыятывы пяцікурсніка біялагічнага факультэта Дзмітрыя Сандрыгайлы, трэцякурсніка факультэта сацыякультурных камунікацый Арцёма Корбута, аспірантаў эканамічнага факультэта Армана Алексаняна і Дзіяны Кавалёвай, трэцякурсніка Інстытута бізнесу Арцёма Лебедзева, другакурсніка і першакурсніка ФПМІ Данілы Елісеева і Дзмітрыя Траццякова адпаведна, а таксама супрацоўніка Студэнцкага гарадка БДУ Ільі Лемеца. Іх праекты датычацца пытанняў экалогіі, адукацыі, ІТ-тэхналогій, інжынерыі, харчовай галіны і сферы паслуг.


Маладым прадпрымальнікам акажуць юрыдычныя, маркетынгавыя і кансультацыйныя паслугі, а таксама забяспечаць ім доступ да навуковых лабараторый для правядзення даследаванняў. Гэта стала магчыма дзякуючы ўключэнню аўтараў праектаў у базу рэзідэнтаў Стартап-цэнтра БДУ. Такі статус прысвойваецца студэнтам, аспірантам, навукоўцам і супрацоўнікам універсітэта па выніках прэзентацыі інавацый і іх адбору экспертным саветам.

У БДУ вядзецца актыўная работа па фарміраванні прадпрымальніцкіх кампетэнцый у актыўнай і таленавітай моладзі. З гэтай мэтай у 2019 годзе быў створаны Стартап-цэнтр. Яго дзейнасць скіравана на ўзаемадзеянне навукі з бізнесам, каардынацыю праектаў, прыцягненне партнёраў і інвестараў для іх рэалізацыі.

Пры падтрымцы Навукова-тэхналагічнага парка «Унітэхпрам БДУ» ўжо выраблена першая партыя інтэлектуальных упрыгажэнняў, распрацаваных студэнтамі факультэта радыёфізікі і камп'ютарных тэхналогій. На гэтым факультэце функцыянуе таксама дызайнерскі праграмавальны экран «LED SquaresBoard», створаны студэнтам БДУ. Наладжана ўзаемадзеянне са знешнімі профільнымі арганізацыямі. Напрыклад, БДУ супрацоўнічае з бізнес-інкубатарам «Маладзёжная сацыяльная служба» з мэтай падтрымкі прадпрымальніцкай актыўнасці студэнтаў і супрацоўнікаў універсітэта.

Адбор рэзідэнтаў у Стартап-цэнтр плануецца праводзіць на рэгулярнай аснове два разы на год.

Надзея НІКАЛАЕВА

Загаловак у газеце: Як ажыццявіць ідэю?

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.