Вы тут

Чацвёртакурснік БДУ Мікіта Баравік перамог на Рэспубліканскай студэнцкай алімпіядзе па кітайскай мове


Чацвёртакурснік філалагічнага факультэта БДУ Мікіта Баравік перамог на Рэспубліканскай студэнцкай алімпіядзе па кітайскай мове.


Дыпломам другой ступені ўзнагароджана студэнтка Мінскага дзяржаўнага лінгвістычнага ўніверсітэта Дар'я Пухальская. На трэцім месцы размясціліся чацвёртакурсніца факультэта міжнародных адносін БДУ Валерыя Хмяльніцкая і студэнты МДЛУ Іван Балашаў і Аляксандр Шымановіч.

Усяго ў алімпіядзе ўзялі ўдзел 125 студэнтаў ВНУ і слухачоў курсаў перападрыхтоўкі настаўнікаў кітайскай мовы Рэспубліканскага інстытута кітаязнаўства імя Канфуцыя БДУ. Сярод іх прадстаўнікі БДУ, МДЛУ, БДПУ імя М. Танка, БДУФК, БДЭУ, МДУ імя А. Куляшова, ГрДУ імя Янкі Купалы, Віцебскага дзяржаўнага ўніверсітэта імя П. М. Машэрава і Баранавіцкага дзяржаўнага ўніверсітэта.

Лінгвістычная алімпіяда праходзіла ў два этапы: пісьмовы і вусны. Акрамя выпрабаванняў па граматыцы, лексіцы, іерагліфіцы кітайскай мовы і перакладзе, для ўдзельнікаў былі падрыхтаваны новыя заданні па лінгвакраіназнаўстве. Ім трэба было прадэманстраваць веды па гісторыі і культуры Кітая, а таксама напісаць эсэ з выкарыстаннем зададзеных ключавых слоў. Па выніках пісьмовага этапу былі адабраны 20 удзельнікаў. Ім трэба было адказаць на два пытанні па прапанаванай тэме і апісаць відэа пасля яго прагляду.

Арганізатарамі спаборніцтваў выступілі Міністэрства адукацыі Беларусі і Рэспубліканскі інстытут кітаязнаўства імя Канфуцыя БДУ. Інфармацыю пра пераможцаў алімпіяды аргкамітэт накіруе ў спецыяльны фонд Прэзідэнта Рэспублікі Беларусь па сацыяльнай падтрымцы адораных навучэнцаў і студэнтаў.

Надзея НІКАЛАЕВА

Прэв’ю: studychinese.ru

Загаловак у газеце: Ведаеш кітайскую мову? Прадэманструй!

Выбар рэдакцыі

Грамадства

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

У разгары сезон журавін. Менавіта цяпер самы час назапасіць гэтых ягад на доўгі перыяд халадоў і прастуд.

Грамадства

Што пісалі беларускія класікі пра самага дарагога чалавека?

Што пісалі беларускія класікі пра самага дарагога чалавека?

Янка Купала дакладна чуў беларускія калыханкі ад сваёй маці, Бянігны Іванаўны, лежачы ў калысцы ў Вязынцы.

Грамадства

Калі злодзей маўчыць, за яго «гавораць» сляды. Выкрыць злачынцу дапаможа трасалогія

Калі злодзей маўчыць, за яго «гавораць» сляды. Выкрыць злачынцу дапаможа трасалогія

Банда рабаўнікоў «трапілася» дзякуючы адбіткам спецыяльнай прылады.

Грамадства

Жыхарка вёскі Мікалаеўка Бялыніцкага раёна Ларыса Клімянок расказала пра трагедыю, якая адбылася з яе сястрой і братамі

Жыхарка вёскі Мікалаеўка Бялыніцкага раёна Ларыса Клімянок расказала пра трагедыю, якая адбылася з яе сястрой і братамі

Экспедыцыю ў Малінаўку арганізаваў навуковы супрацоўнік музея гісторыі Магілёва ветэран пошукавага руху Пётр Хаванскі.