У Пекіне з’явіліся мабільныя пункты вакцынацыі

Паводле інфармацыі прадпрыемства Foton, першыя ў Кітаі мабільныя пункты вакцынацыі з’явіліся ў Пекіне, перадае «Жэньмінь жыбаа» анлайн».

У наступным месяцы такія ж пункты пачнуць працаваць і ў правінцыі Хэбэй. Пасля ўвядзення іх у эксплуатацыю людзям, якія вакцынуюцца, не трэба будзе спецыяльна ездзіць у прызначаныя месцы, мабільныя аўтобусы даставяць неабходныя дозы вакцыны.

У гэтых пунктах прадугледжаны зоны чакання і рэгістрацыі інфармацыі, кабінкі для вакцынацыі, а таксама адмысловы халадзільнік для захоўвання вакцыны.