Вы тут

Як правільна абрэзаць яблыню вясной, каб не выдаліць пладовыя галінкі


Абрэзка яблынь вясной з'яўляецца надзвычай важнай працэдурай. Менавіта ад яе залежыць развіццё, інтэнсіўнасць і правільнасць росту дрэва. Фарміраванне кроны надасць дрэвам не толькі прыгожы знешні выгляд, гэтая працэдура неабходная для паляпшэння плоданашэння, як маладых, так і старых яблынь. Таму, перш чым прыступіць, абавязкова трэба навучыцца чытаць дрэва, каб не пашкодзіць пладовыя галінкі і атрымаць выдатны ўраджай.


Для чаго гэта трэба

З часам галіны расліны маюць уласцівасць загушчацца, іх крона становіцца занадта шчыльнай і прапускае недастатковую колькасць святла для выспявання яблыкаў. З прычыны гэтага плады пачынаюць страчваць свае смакавыя якасці, а ўраджай колькасныя паказчыкі.

Пры гэтым занадта густая крона з'яўляецца жыллём для шкоднікаў, якія знішчаюць лістоту і пашкоджваюць кару. Таксама моцна зацененыя галіны збіраюць вільгаць, а лісты пастаянна датыкаюцца адзін да аднаго і пачынаюць прэць, гэта выклікае грыбковыя захворванні кары і гнілату ствала.

Яшчэ адна прычына, па якой абразаць важна менавіта пладовыя дрэвы — садавіна, якая ападае. Калі галіны загушчаны, яблыкі будуць заставацца на іх, і часткова пашкоджаныя насякомымі і птушкамі, загніваць. Пакінутыя не выспелыя і не прыбраныя плады стануць выдатным жыллём для хвароб і шкоднікаў. Перазімаваўшы, вясной яны пачнуць пладзіцца і распаўсюджвацца на іншыя дрэвы.

Як выбраць галінкі, якія неабходна абрэзаць, і пакінуць «пладухі»

Ад якіх галінак варта пазбавіцца:

  • пацярпелыя за зіму: сухія, зламаныя, падмарожаныя (іх лёгка адрозніць ад здаровых галінак, паколькі яны не маюць маладых набраклых пупышак);
  • няўдала размешчаныя: растуць унутр, якія адыходзяць пад вельмі вострым вуглом (можа прывесці да абломвання ў будучыні), галінкі, якія перакрыжоўваюцца і труцца, моцныя маладыя парасткі (накіраваны на рост уверх і ўраджаю не дадуць), канкурыруючыя са шкілетнымі галінамі.

У гэтым працэсе галоўнае не выдаліць маладыя пладовыя галінкі, якія ў далейшым стануць прыносіць добры ўраджай. Пладухі бываюць некалькіх тыпаў і маюць свае адметныя рысы:

  • пладовыя пруцікі — доўгія (15—25 см), гнуткія, злёгку выгнутыя аднагадовыя прыросты, таўшчыня якіх амаль аднолькавая на ўсім працягу. На вяршыні пладовых пруцікаў знаходзяцца кветкавыя пупышкі.
  • кап'яцы — такія пладовыя парасткі могуць дасягаць 15 см, размешчаны перпендыкулярна галінцы, ад якой адыходзяць, маюць некалькі збліжаных пупышак з невялікімі шыпамі на канцах;
  • кальчаткі — невялікія атожылкі даўжынёй не больш за 5 см, маюць рубцы ў выглядзе колцаў і адну вялікую пупышку на канцы;

Вельмі важна захаваць гэтыя аднагадовыя парасткі, якія ў далейшым стануць пладаноснымі галінамі. Найбольшая колькасць пладушак фарміруецца менавіта з кальчатак.

Праводзячы абразанне ў сакавіку, маеце больш шанцаў, што дрэва хутка адновіцца і істотна не пацерпіць. Асабліва калі выбіраць спрыяльныя дні па месяцавым календары.

Схемы абрэзкі

Маладыя дрэўцы патрабуюць больш увагі, чым старыя. Калі дрэву ўсяго пару гадоў, то працэдуру неабходна праводзіць штогод.

Фарміраванне кроны яблыні заключаецца не толькі ў выдаленні непатрэбных галінак, але і ў пакарочванні ўсіх асноўных. Гэта дазволіць замарудзіць імклівы рост дрэва і зробіць збор ўраджаю больш зручным і простым.

Дарослыя яблыні абразаюць радзей. Калі дрэвы не даюць жаданага ўраджаю, праводзяць амаладжэнне: выдаляюць унутраныя галіны. Такім чынам, адбываецца прарэджванне кроны. Галоўнае не прыбраць занадта шмат, рэкамендуемая норма — не больш адной траціны ўсёй кроны.

Абрэзка яблыні праводзіцца ў адпаведнасці з наступнымі правіламі:

  • для фарміравання кроны неабходна выбраць некалькі шкілетных галін, якія павінны знаходзіцца раўнамерна па крузе пад вуглом прыкладна 450
  • ад ствала. Калі такіх галін няма, варта выкарыстоўваць распоркі для павелічэння вугла нахілу;
  • крону можна ўмоўна падзяліць на ярусы: шкілетныя галіны на кожным з іх павінны быць адной даўжыні, таму больш моцныя неабходна караціць;
  • будучы ствол павінен быць на 0,2—0,3 м вышэй галінак самага верхняга яруса;
  • пры абразанні верхніх ярусаў неабходна сачыць, каб яны не выходзілі за праекцыю ніжняга яруса;
  • галіны другога ўзроўню (якія растуць на шкілетных) павінны размяшчацца на адлегласці 0,4—0,5 м ад пачатку шкілетных галін;
  • галінкі, якія растуць унутр або ўверх кроны, выдаляюць, а тыя, што накіраваны ўніз або гарызантальна — пакідаюць, паколькі яны не прывядуць да загушчэння кроны і могуць стаць пладовымі галінамі;
  • доўгія аднагадовыя парасткі, больш за 0,6 м, таксама падразаюць, што ў далейшым прывядзе да абрастання кальчаткамі.

Важна памятаць, што адразу пасля абрэзкі свежыя зрэзы неабходна замазваць садовым варам, або адмысловай масцікай для садовых работ. Калі нічога прыдатнага не маецца, можна выкарыстоўваць алейную фарбу з даданнем фунгіцыду (меднага купарвасу). Такім чынам, сок не будзе выцякаць, а дрэва хутчэй адновіцца.

Ірына ТАМКОВІЧ

Выбар рэдакцыі

Фінансы

Як засцерагчы сябе ад крадзяжу грошай з карткі?

Як засцерагчы сябе ад крадзяжу грошай з карткі?

У I квартале 2021 года было зарэгістравана звыш 800 крадзяжоў грошай праз інтэрнэт, гэта ў 4,5 раза больш, чым за такі ж перыяд год таму.

Грамадства

Спытайце пра радзіннае. Як раней адзначалі Радаўніцу?

Спытайце пра радзіннае. Як раней адзначалі Радаўніцу?

На пытанне чытача адказваюць Янка Крук і Аксана Катовіч.

Палітыка

Прэзідэнт: сцяг і герб Беларусі адлюстроўваюць нацыянальную ідэю народа — імкненне да незалежнага і мірнага жыцця

Прэзідэнт: сцяг і герб Беларусі адлюстроўваюць нацыянальную ідэю народа — імкненне да незалежнага і мірнага жыцця

Урачысты рытуал ушанавання дзяржаўных сцяга і герба праходзіць у Мінску з удзелам Аляксандра Лукашэнкі.