Вы тут

Старшыня Брэсцкага аблвыканкама Юрый Шулейка правёў прыём грамадзян


У сувязі з эпідэмічнай абстаноўкай большая частка ўдзельнікаў прыёму размаўляла з губернатарам па тэлефоне. Але некаторыя ўсё ж аддалі перавагу асабістым кантактам. Сярод іх — 16-разовы чэмпіён свету і 14-разовы чэмпіён Еўропы па армрэслінгу, уладальнік шэрагу залатых медалёў Кубка свету па гэтым відзе спорту Віктар Братчэня.


Спартсмен гаварыў пра фінансавыя цяжкасці пры падрыхтоўцы да спаборніцтваў міжнароднага ўзроўню. Трэніровачны працэс, спортінвентар, іншыя расходы патрабуюць не менш за тры тысячы долараў у год. На жаль, стыпендыю, як іншыя спартсмены, Братчэня атрымаць не можа, бо армрэслінг не адносіцца да алімпійскіх відаў спорту. Упраўленне спорту і турызму аблвыканкама падтрымлівае спартсмена, але гэтай дапамогі недастаткова для паўнавартаснай падрыхтоўкі. Даводзіцца шукаць спонсараў, рыхтавацца за свой кошт, а Віктар мае дваіх дзяцей, і абавязаны годна ўтрымліваць сям'ю. Паводле яго слоў, сёлета плануецца правядзенне чэмпіянату свету і Кубка свету па армрэслінгу. І Віктар Братчэня хацеў бы ўдзельнічаць у спаборніцтвах. Кіраўнік вобласці паабяцаў падтрымку: «Мы знойдзем магчымасці дапамагчы вам падрыхтавацца да спаборніцтваў і будзем дапамагаць у далейшым».

Былі ў гэты дзень звароты да губернатара, якія датычацца будаўніцтва жылля для шматдзетнай сям'і і добраўпарадкавання стаянак для аўтамабіляў. Некаторыя прыйшлі з прапановамі наконт развіцця свайго мікрараёна, а адна жанчына выказала падзяку за станоўчае вырашэнне пытання, якое датычыцца яе стану здароўя.

Яна СВЕТАВА

У рэгіёнах працягваюцца сустрэчы і прамыя лініі прадстаўнікоў улады з насельніцтвам. Такая форма ўзаемадзеяння на практыцы даказала сваю эфектыўнасць. Галоўнае — пачуць і дапамагчы людзям вырашыць іх надзённыя пытанні, што і адбываецца.

Прэв’ю: БелТА

Загаловак у газеце: «Будзем дапамагаць»

Выбар рэдакцыі

Культура

Васіль Цішкевіч: Кожны чалавек — у рознай ступені краязнаўца...

Васіль Цішкевіч: Кожны чалавек — у рознай ступені краязнаўца...

З Васілём Цішкевічам, навуковым супрацоўнікам Слуцкага краязнаўчага музея, мы знаёмыя даўно.

Грамадства

Папяровыя лісты. Вернем іх у наша жыццё?

Папяровыя лісты. Вернем іх у наша жыццё?

Сёння ад рукі пішуць рэдка, мы жывём у эпоху месенджараў.

Грамадства

Беласнежныя мары. Чаму на Навагрудчыне выцінанку называюць выбіванкай

Беласнежныя мары. Чаму на Навагрудчыне выцінанку называюць выбіванкай

Папера стала выдатнай альтэрнатывай дарагім ажурным тканінам.

Грамадства

Жыццё Юліі Пярцовай: Шчыры аповед пра сям’ю, работу і пераадоленні нягод

Жыццё Юліі Пярцовай: Шчыры аповед пра сям’ю, работу і пераадоленні нягод

У прамым эфіры тэлеканала «Беларусь-1» Юлія расказвае аб падзеях у Беларусі.