Вы тут

​Дэпутаты прынялі ўдзел у анлайн-канферэнцыі пра ролю парламентаў у рэалізацыі МУР


Дэпутаты Палаты прадстаўнікоў прынялі ўдзел у анлайн-канферэнцыі «Уплыў COVІD-19 на рэалізацыю МУР у рэгіёне Еўрапейскай эканамічнай камісіі ААН: якая роля парламентаў?»


Мерапрыемства аб'яднала больш за 60 краін з усіх кантынентаў, якія зацікаўлены ў ажыццяўленні Мэт устойлівага развіцця. Беларускі бок на форуме прадставілі старшыня Пастаяннай камісіі па заканадаўстве Палаты прадстаўнікоў Святлана Любецкая і старшыня Пастаяннай камісіі па міжнародных справах Палаты прадстаўнікоў Андрэй Савіных.

«Рэспубліка Беларусь з'яўляецца ўдзельніцай мерапрыемстваў, якія праводзяцца ў рамках падтрымання ўмоў зялёнай эканомікі, устойлівага развіцця ў сацыяльнай, эканамічнай сферах, сферы аховы здароўя, адукацыі і іншых», — сказала Святлана Любецкая.

Анлайн-канферэнцыя, па яе словах, прысвечана абмену вопытам паміж дзяржавамі-ўдзельніцамі праграмы Мэт устойлівага развіцця, каб аператыўна выпрацоўваць адзіныя падыходы да іх забеспячэння. Парламентарый адзначыла, што заканадаўчая база ў Беларусі таксама развіваецца ў гэтым кірунку.

Старшыня Пастаяннай камісіі па заканадаўстве нагадала, што пандэмія значна закранула не толькі сферу аховы здароўя. «Мы сутыкнуліся з пытаннямі, як праводзіць адукацыйны працэс. Заканадавец сёння ў праект Кодэкса аб адукацыі заклаў ужо падыходы рэгулявання дыстанцыйнай формы навучання, навучання з выкарыстаннем аддаленых сродкаў. У працоўным заканадаўстве рэгламентаваны і рэалізаваны падыходы да работы на аддаленцы», — паведаміла Святлана Любецкая і дадала, што гэта толькі частка пытанняў, з якімі сутыкнуліся парламентарыі на пачатку барацьбы з COVІD-19.

Як яна запэўніла, у свеце ўжо ёсць практычныя напрацоўкі ў гэтай сферы, якія будуць вывучаць дэпутаты.

Марыя ДАДАЛКА

Загаловак у газеце: Да МУР нягледзячы на COVІD-19

Выбар рэдакцыі

Грамадства

Захаваць. Нельга знесці

Захаваць. Нельга знесці

Знакі прыпынку нарэшце расстаўлены.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.